پارلیمنٹ نے کرپشن کیسز ختم کردیے، جب ہوش آئے گا تو دیر ہوجائے گی، جسٹس محسن اختر کیانی کے نیب کے دائرہ اختیار سے متعلق کیس میں ریمارکس

اسلام آباد ہائیکورٹ میں نیب کے دائرہ اختیار پر ریمارکس

اسلام آباد(ڈیلی پاکستان آن لائن) اسلام آباد ہائیکورٹ کے جسٹس محسن اختر کیانی نے نیب کے دائرہ اختیار سے متعلق کیس میں ریمارکس دیئے کہ "بغیر دانتوں والا نیب بھی انجوائے کرے اور لوگ بھی، پارلیمنٹ نے کرپشن کیسز ختم کردیئے، جب ہوش آئے گا تو دیر ہوجائے گی۔"

یہ بھی پڑھیں: ممیوں کو جلانے پر دیومالائی کہانیوں نے جنم لیا، ایک ممی کے انتقام کا تذکرہ بھی ہوا، کئی لوگ عبرتناک موت کا شکار ہوئے پھر عزت سے دفن کیا جانے لگا

سماعت کے دوران جسٹس محسن اختر کیانی کے خیالات

نجی ٹی وی چینل آج نیوز کے مطابق اسلام آباد ہائیکورٹ میں نیب کے دائرہ اختیار سے متعلق کیس کی سماعت کے دوران جسٹس محسن اختر کیانی نے کہا کہ "نیب کرپشن کیس کی انکوائری شروع کرنے سے پہلے دیکھ بھی لیا کرے کہ اب تحقیقات کر بھی سکتا ہے یا نہیں؟"

یہ بھی پڑھیں: ملک کے مختلف علاقوں میں موسلا دھار بارشیں جاری

پارلیمنٹ کے فیصلوں پر تنقید

جسٹس محسن اختر نے مزید کہا کہ "پارلیمنٹ نے اربوں روپے مالیت کے کرپشن کیسز ختم کردیئے، جب پارلیمنٹ کو ہوش آئے گا تو بہت دیر ہو جائے گی۔"

بڑے کرپشن کیسز کا اختتام

اسلام آباد ہائیکورٹ کے جج کا کہنا تھا کہ "بغیر دانتوں والا نیب بھی انجوائے کرے اور لوگ بھی، ایک سو سے زائد بڑے کرپشن کیسز ختم ہو چکے ہیں، کرپشن کیسز کے ملزمان بیرون ملک بھی چلے گئے ہیں۔"