جسٹس طارق محمود جہانگیری ڈگری کیس؛ جسٹس صلاح الدین پنہور کی سربراہی میں 2 رکنی بنچ کا سماعت سے انکار
سندھ ہائیکورٹ کا فیصلہ
کراچی (ڈیلی پاکستان آن لائن) سندھ ہائیکورٹ کے جسٹس صلاح الدین پنہور کی سربراہی میں 2 رکنی بنچ نے جسٹس طارق محمود جہانگیری کے ڈگری کیس کی سماعت سے انکار کردیا۔
یہ بھی پڑھیں: کراچی میں سی ٹی ڈی فیوژن سینٹر کا افتتاح ، صوبے سے شدت پسندوں کو ختم کرنا ہوگا: مراد علی شاہ
کیس کی تفصیلات
نجی ٹی وی چینل جیو نیوز کے مطابق سندھ ہائیکورٹ میں اسلام آباد ہائیکورٹ کے جسٹس طارق محمود جہانگیری کی ڈگری سے متعلق درخواستوں پر سماعت ہوئی۔ کیس میں پاکستان بار کونسل کے وائس چیئرمین سینیٹر فاروق نائیک نے وکالت نامہ پیش کیا۔
عدالت کی آگے کی کاروائی
جسٹس صلاح الدین پنہور کی سربراہی میں 2 رکنی بنچ نے کیس کی سماعت سے انکار کرتے ہوئے مزید کاروائی نہ کرنے کے حکم امتناع میں توسیع کرتے ہوئے کیس کی سماعت 19 دسمبر تک ملتوی کردی ہے۔
