وسائل نوجوانوں پر لگائیں، ڈاکٹر حمیرا طارق کا کراچی میں ناظمات اضلاع کے اجلاس سے خطاب

ایمانی جذبے کی اہمیت

کراچی (ڈیلی پاکستان آن لائن) ہماری ساری کوششیں اللہ کے راستے میں ہیں، اور ہمارا کوئی دنیاوی لالچ نہیں ہے۔ جذبۂ ایمانی کو تقویت دینے والی تحریک سے وابستگی اور اس کے تقاضے بہت اہم ہیں۔ ان خیالات کا اظہار سیکرٹری جنرل حلقہ خواتین جماعت اسلامی پاکستان ڈاکٹر حمیرا طارق نے کراچی میں ناظمات اضلاع کے اجلاس سے خطاب کے دوران کیا۔

یہ بھی پڑھیں: ہنی سنگھ نے پاکستانی گلوکار کو کریڈٹ دیکر سرائیکی گانا گایا

خاندانی نظام کی بقاء

انہوں نے کہا کہ ہم خاندانی نظام کی بقاء اور نسلوں کی تربیت کے لیے جدوجہد کر رہے ہیں۔ اگلی نسلوں کو بچانا ہماری ترجیح ہے۔ پاکستان کی سلامتی جیسے موضوعات پر سمینار اور کانفرنسز منعقد کر کے نوجوان نسل میں امید کی کرن پیدا کی جائے۔ اپنے وسائل نوجوانوں پر لگائیں اور ان کو علم و ہنر سے مزین کریں۔

اجلاس کی تفصیلات

کراچی میں "ادارہ نور حق" میں اضلاع کے رپورٹ پروگرام میں تمام اضلاع کی رپورٹس پر تبصرہ بھی کیا گیا۔ رپورٹنگ اجلاس میں ڈپٹی سیکرٹریز ثمینہ سعید، عطیہ نثار، ناظمہ صوبہ سندھ رخشنده منیب، ناظمہ کراچی جاوداں فہیم، نائب ناظمہ عذرا جمیل، نازیہ توحید، ناظمہ ضلع لاہور عظمی عمران بھی موجود تھیں۔