سیکیورٹی فورسز کی بلوچستان کے مختلف علاقوں میں کاروائیاں، 4 دہشت گرد ہلاک
بلوچستان میں سیکیورٹی فورسز کی کارروائیاں
راولپنڈی (ڈیلی پاکستان آن لائن) پاک فوج کے شعبہ تعلقات عامہ کے مطابق سیکیورٹی فورسز نے بلوچستان کے مختلف علاقوں میں کارروائیاں کیں جس کے نتیجے میں 4 دہشت گرد ہلاک ہوئے۔
یہ بھی پڑھیں: سیکیورٹی فورسز کا پشین میں آپریشن، 5 خوارج گرفتار
آپریشن کے تفصیلات
آئی ایس پی آر کے مطابق سکیورٹی فورسز نے ضلع کیچ میں آپریشن کر کے 1، ضلع آواران میں آپریشن کرکے 2 اور ضلع ڈیرہ بگٹی میں آپریشن میں 1 دہشت گرد ہلاک کیا۔
ہلاک شدہ دہشت گردوں کی معلومات
آئی ایس پی آر کا بتانا ہے کہ ہلاک دہشت گرد سیکیورٹی فورسز اور معصوم شہریوں کے خلاف دہشتگردی کی متعدد کارروائیوں میں ملوث تھے اور قانون نافذ کرنے والے اداروں کو مطلوب تھے.
