جماعت اسلامی کا فلسطینیوں سے اظہار یکجہتی کیلئے29دسمبر کوملین مارچ کا اعلان

بیت المقدس کی حمایت میں ملین مارچ

لاہور( ڈیلی پاکستان آن لائن ) امیر جماعت اسلامی حافظ نعیم الرحمان نے فلسطینیوں سے اظہار یکجہتی کےلئے 29 دسمبر کو ملین مارچ کا اعلان کردیا۔

یہ بھی پڑھیں: پاکستان کسی بھی قسم کی مہم جوئی کا بھرپور جواب دینے کیلئے تیار ہے: سیکرٹری خارجہ

پریس کانفرنس میں اظہار خیال

منصورہ لاہور میں پریس کانفرنس کرتے ہوئے حافظ نعیم الرحمان نے کہا کہ ہم ڈونلڈ ٹرمپ کے بیان کی شدید مذمت کرتے ہیں کیونکہ اسرائیل کو امریکا کی پشت پناہی حاصل ہے۔ امریکا لاکھوں مسلمانوں کو قتل کرنے والا ملک ہے۔

یہ بھی پڑھیں: پنجاب میں پی ٹی آئی حکومت میں ترقیاتی منصوبوں میں بے ضابطگیوں کی تحقیقات شروع، تفصیلات طلب کرلی گئیں

فلسطینی عوام کی حمایت

انہوں نے بتایا کہ اب تک 45 ہزار فلسطینیوں کو اسرائیل قتل کر چکا ہے۔ امریکی نو منتخب صدر ڈونلڈ ٹرمپ کو یہ قتل عام نظر نہیں آرہا اور جماعت اسلامی فلسطینیوں کے ساتھ کھڑی ہے۔

یہ بھی پڑھیں: پنجاب سے ڈاکٹر شاہ نواز کنبھر کے قاتل پولیس اہلکاروں کی میرپور خاص منتقلی کے لیے ٹیم روانہ

قومی یکجہتی کی ضرورت

حافظ نعیم الرحمان نے مزید کہا کہ وہ چاہتے ہیں کہ عوام متحد ہوکر ملک کی بہتری کے لئے آگے بڑھیں۔ حکومت غیر قانونی اقدامات کرکے عوام کو تقسیم کررہی ہے۔ ملک کے خلاف کسی بھی قسم کی کوئی سازش قابل قبول نہیں۔

یہ بھی پڑھیں: پاکستان نے کراچی اور لاہور کی فضائی حدود جزوی طور پر بند کر دی

ٹرمپ کی دھمکیاں

انہوں نے یہ بھی کہا کہ ڈونلڈ ٹرمپ نے دھمکی دی ہے کہ صدارت سنبھالنے تک تمام اسرائیلی یرغمالیوں کو چھوڑ دیا جائے ورنہ وہ قتل عام کریں گے، جو کہ قابل مذمت ہے۔

29 دسمبر کا ملین مارچ

حافظ نعیم الرحمان کا کہنا ہے کہ جماعت اسلامی نے فیصلہ کیا ہے کہ ٹرمپ کے رویے کے خلاف اور فلسطینیوں سے اظہار یکجہتی کےلئے 29 دسمبر کو اسلام آباد میں ملین مارچ ہوگا۔