وفاقی بیوروکریسی میں تقرر و تبادلے

اسلام آ باد ( نیوز ڈیسک) وفاقی بیوروکریسی میں تقرر و تبادلے کیے گئے ہیں۔

تقرریاں

تفصیلات کے مطابق اسٹیبلشمنٹ ڈویژن میں تقرری کے منتظر سیکر ٹیر یٹ گروپ کے گریڈ 21 کے افسر عادل اکبر خان کو سینئر جوائنٹ سیکریٹری وزارتِ دفاع تعینات کیا گیا ہے۔

سیکر ٹیریٹ گروپ کے گریڈ 21 کے افسر اور اسٹیبلشمنٹ ڈویژن میں او ایس ڈی ندیم احمد ملک کو سینئر جوائنٹ سیکریٹری وزارتِ مذہبی اُمور تعینات کیا گیا ہے۔

دیگر اہم تبدیلیاں

جنگ کے مطابق سیکر ٹیریٹ گروپ کے گریڈ 20 کے افسر اور اسٹیبلشمنٹ ڈویژن میں تقرر ی کے منتظر طارق محمود کو جوائنٹ سیکریٹری وزارتِ صنعت و پیداوار تعینات کیا گیا ہے۔

سیکشن افسر دفاعی پیداوار ڈویژن اصغر علی کو او ایس ڈی بنا دیا گیا ہے۔ وزارت ہاؤسنگ و تعمیرات کے سیکشن افسر عبد الحنیف کو تبدیل کرکے سیکشن افسر تخفیف غربت ڈویژن تعینات کیا گیا ہے۔