خلیل الرحمان قمر ہنی ٹریپ کیس کا فیصلہ محفوظ، کب سنایا جائے گا؟ تاریخ سامنے آگئی

لاہور کی انسداد دہشت گردی عدالت کا فیصلہ محفوظ

لاہور(آئی این پی) لاہور کی انسداد دہشت گردی عدالت نے معروف ڈرامہ رائٹر خلیل الرحمان قمر کو تاوان کیلئے اغوا کرنے کے مقدمے میں فریقین کے دلائل مکمل ہونے پر فیصلہ محفوظ کر لیا ہے۔ یہ فیصلہ 14 اپریل کو سنایا جائے گا۔

یہ بھی پڑھیں: شوہر کے ساتھ گھومنے نکلی نئی نویلی دلہن کو اجتماعی زیادتی کا نشانہ بنا دیا گیا.

مقدمے کی سماعت

انسداد دہشت گردی عدالت کے جج ارشد جاوید نے مقدمے پر سماعت کی جس کے دوران وکلا کے حتمی دلائل مکمل ہونے پر مقدمے کا فیصلہ محفوظ کرلیا گیا۔ سماعت کے دوران ملزمہ آمنہ عروج اور حسن شاہ سمیت دیگر ملزموں کو جیل سے عدالت میں پیش کیا گیا، نیز ضمانت پر رہا ہونے والے ملزمان بھی عدالت میں موجود تھے۔

حتمی دلائل

ملزمان کے وکلا نے حتمی دلائل مکمل کئے، جس پر عدالت نے مقدمے کا فیصلہ محفوظ کرتے ہوئے کہا کہ 14 اپریل کو فیصلہ سنایا جائے گا۔ سندر پولیس نے خلیل الرحمان قمر کو اغوا کرنے کے الزام میں مقدمہ درج کیا تھا اور اس مقدمے میں 12 ملزم نامزد ہیں۔