دبئی میں پراپرٹی کی تاریخی خرید و فروخت، 3 ماہ میں 38 ارب ڈالر کے سودے

دبئی کی پراپرٹی مارکیٹ کی تاریخ ساز کارکردگی

دبئی (ڈیلی پاکستان آن لائن) متحدہ عرب امارات کی ریاست دبئی کی پراپرٹی مارکیٹ نے 2025 کی پہلی سہ ماہی میں تاریخی خریدو فرخت کی۔ نجی ٹی وی جیو نیوز کے مطابق سال کے ابتدائی 3 ماہ میں مجموعی طور پر 45474 پراپرٹی سودے ہوئے جن کی مالیت 142.7 ارب درہم (تقریباً 38 ارب امریکی ڈالر سے زائد) رہی۔

یہ بھی پڑھیں: پشاور ہائیکورٹ نے عمر ایوب کی حفاظتی ضمانت منظور کر لی

پراپرٹی کی تعداد اور مالیت میں اضافہ

دبئی کے رئیل اسٹیٹ کے اعداد و شمار کے مطابق پراپرٹی کی تعداد اور مالیت گزشتہ سال کی اسی مدت کے مقابلے میں بالترتیب 22 فیصد اور 30 فیصد اضافے کو ظاہر کرتی ہے۔

یہ بھی پڑھیں: جوبائیڈن صدارت چھوڑنے کے بعد پہلی بار منظر عام پر آگئے

تیار شدہ پراپرٹی کی فروخت میں ریکارڈ اضافہ

دبئی میں تیار شدہ پراپرٹی (گھر، فلیٹ، عمارت) کے شعبے نے اب تک کی بہترین کارکردگی دکھائی جہاں 87.5 ارب درہم (تقریباً 25 ارب امریکی ڈالر) مالیت کے 20034 سودے ہوئے۔ یہ سودے گزشتہ دو سالوں کے ابتدائی تین ماہ کے موازنے میں 21 فیصد اور مالیت میں 34 فیصد اضافے کو ظاہر کرتے ہیں۔

یہ بھی پڑھیں: عمران خان کی بہنوں کا سیاست سے کوئی تعلق نہیں، خاندانی ذرائع

زیر تعمیر پراپرٹیز کی مقبولیت

دبئی کی پراپرٹی مارکیٹ میں زیر تعمیر (آف پلان) پراپرٹیز کی فروخت کا غلبہ رہا جو تمام سودوں کا 56 فیصد رہی۔ 25440 آف پلان سودے 55.2 ارب درہم (تقریباً 15.7 ارب امریکی ڈالر) کی مالیت کے رہے جو 2024 کے ابتدائی تین ماہ کے مقابلے میں 24 فیصد اضافے کو ظاہر کرتے ہیں۔

یہ بھی پڑھیں: ٹرکٹر چور رنگے ہاتھوں پکڑا گیا، ساری رات تشدد، قتل کردیا گیا

دبئی کی رہائشی پراپرٹیز کی طلب میں اضافہ

تعمیرات کے شعبے سے وابستہ ماہرین کہتے ہیں کہ دبئی میں تیار شدہ پراپرٹیز کی فروخت کا اضافہ ظاہر کرتا ہے کہ بڑھتے ہوئے کرایوں کی وجہ سے رہائشی افراد گھر خریدنے پر زیادہ غور کر رہے ہیں۔

ابوظہبی کی مارکیٹ میں مہنگی پراپرٹیز کی مانگ

ابوظہبی کی پراپرٹی مارکیٹ نے بھی غیر معمولی تبدیلی کا مظاہرہ کیا جہاں تیار شدہ پراپرٹیز کی فروخت میں 9 فیصد اضافہ ہوا اور ان کی مالیت 75 فیصد بڑھ کر 9.6 ارب درہم (تقریباً 2.7 ارب امریکی ڈالر) تک پہنچ گئی۔