پیپلز پارٹی پی پی 52 کا ضمنی الیکشن تن، من دھن سے لڑے گی: گورنر پنجاب

گورنر پنجاب کا پی پی 52 کے ضمنی الیکشن کے لیے عزم

لاہور(نمایندہ خصوصی) گورنر پنجاب سردار سلیم حیدر نے کہا ہے کہ پیپلز پارٹی پی پی 52 کا ضمنی الیکشن تن، من، دھن سے لڑے گی۔

یہ بھی پڑھیں: اسلام آباد میں شدید بارش، سڑکیں تالاب کامنظر پیش کرنے لگیں

اجلاس کی صدارت

گورنر ہاؤس لاہور میں پیپلز پارٹی گوجرنوالہ ڈویژن کے اجلاس کی صدارت کرتے ہوئے، انہوں نے پی پی 52 کے ضمنی الیکشن کے لیے راحیل کامران چیمہ، احسن گھمن، حسن مرتضیٰ، ملک طاہر، اور رانا فاروق اشرف کو کاغذات جمع کرانے کی ہدایت کی۔ اس موقع پر شرکاء نے ضمنی الیکشن کے لیے دعا بھی کی۔

یہ بھی پڑھیں: ہیری پوٹر کے اداکار کی گردن میں درد، گرل فرینڈ نے ڈاکٹر سے رجوع کا مشورہ دیا تو ایسا انکشاف کہ بڑا جھٹکا لگ گیا

شرکاء کی فہرست

اجلاس میں جنرل سیکرٹری سید حسن مرتضیٰ، آصف بشیر بھاگٹ، ملک طاہر، عبدالرزاق سلیمی، راحیل کامران چیمہ، احسن رضوی، عائشہ نواز چودھری، شہباز خان، چودھری اختر چھوکر، میاں اظہر حسن ڈار، اعجاز سمہ، ریاض حسین شاہ، ملک ظہیر اعوان، محمد اظہر ڈیال، رانا محمود اشرف، شاہد بٹ، احسن ظفر گھمن اور کاشف گجر بھی شامل تھے۔

جنرل سیکرٹری کا خطاب

اجلاس سے خطاب کرتے ہوئے پیپلز پارٹی وسطی پنجاب کے جنرل سیکرٹری سید حسن مرتضیٰ نے کہا کہ پنجاب میں جہاں سے بھی پارٹی کیلیے الیکشن لڑنا پڑا، میں لڑوں گا۔ اگر کوئی بھی الیکشن نہ لڑا تو میں وہاں سے لڑ کر دکھاؤں گا۔ پی پی 52 کا ضمنی الیکشن ان شاء اللہ پیپلز پارٹی کی ریوائیول کا سبب بنے گا۔