وہ خطہ جو جاپان کو پیچھے چھوڑ کر دنیا کی چوتھی بڑی معیشت بن گیا

کیلیفورنیا کی معیشت میں نمایاں ترقی

واشنگٹن (ڈیلی پاکستان آن لائن) بین الاقوامی مالیاتی فنڈ (آئی ایم ایف) اور امریکی بیورو آف اکنامک اینالیسز کے تازہ اعداد و شمار کے مطابق امریکی ریاست کیلیفورنیا کی معیشت نے جاپان کو پیچھے چھوڑ دیا ہے۔ 2024 میں کیلیفورنیا کا جی ڈی پی 4.10 ٹریلین ڈالر رہا، جبکہ جاپان کا 4.01 ٹریلین ڈالر ریکارڈ کیا گیا۔

یہ بھی پڑھیں: بھارت نے افغان شہریوں کیلئے ایمرجنسی ویزا ختم کرکے نیا ویزا سسٹم متعارف کروادیا۔

گورنر گیوین نیوسم کا بیان

سی این این کے مطابق گورنر گیوین نیوسم نے کہا کہ کیلیفورنیا نہ صرف عالمی معیشت کے ساتھ چل رہا ہے بلکہ اس کی رفتار طے کر رہا ہے۔ کیلیفورنیا امریکہ کا سب سے بڑا صنعتی اور زرعی مرکز ہے، جہاں دنیا کی معروف ٹیکنالوجی کمپنیاں اور تفریحی صنعت بھی موجود ہے۔

یہ بھی پڑھیں: جکارتہ ؛ شمالی سماٹرا میں 6شدت کا زلزلہ

تجارتی چیلنجز اور خطرات

نیوسم نے صدر ڈونلڈ ٹرمپ کے تجارتی ٹیرفز کو چیلنج کیا ہے، جنہوں نے چین سمیت مختلف ممالک پر 25 سے 245 فیصد تک محصولات عائد کیے ہیں۔ انہوں نے کہا کہ یہ پالیسیاں کیلیفورنیا کی معیشت کے لیے خطرہ ہیں۔

جاپان کی معیشت پر دباؤ

جاپان کی معیشت کم ہوتی آبادی اور بڑھتی ہوئی عمر رسیدہ آبادی کی وجہ سے دباؤ کا شکار ہے۔ آئی ایم ایف نے جاپان کی معاشی ترقی کے تخمینے کم کر دیے ہیں۔