وزیراعلیٰ مریم نواز سے امریکی ادارے ”ورلڈ لبرٹی آرگنائزیشن” کے اعلیٰ سطح کے وفد کی ملاقات

ملاقات کا پس منظر

لاہور (ڈیلی پاکستان آن لائن) وزیراعلیٰ پنجاب مریم نواز سے امریکی صدر ڈونلڈ ٹرمپ کے حمایت یافتہ ادارے ''ورلڈ لبرٹی آرگنائزیشن'' کے اعلیٰ سطح کے وفد نے ملاقات کی۔ وفد میں زجری فوک مین، زجری وٹ کوف اور چیس ہیرو شامل تھے۔ ملاقات کے دوران پاکستان کرپٹو کونسل کے سربراہ بلال بن ثاقب بھی موجود تھے۔

یہ بھی پڑھیں: اسرائیلی سیکیورٹی کابینہ نے غزہ پر قبضے کی منظوری دے دی

ملاقات کی تفصیلات

ملاقات میں بلاک چین اینوویشن (Block chain innovations)، ٹوکنائزیشن، رئیل ورلڈ ایسٹس اور اسٹیبل ایپلیکیشن پر تبادلہ خیال کیا گیا۔ بلاک چین ٹیکنالوجی کے فروغ کے منصوبے پر بھی غور کیا گیا۔ معدنیات، ایگریکلچر سمیت پاکستان کے وسیع قدرتی وسائل کی حقیقی اثاثوں کی ٹوکنائزیشن کا جائزہ لیا گیا۔

یہ بھی پڑھیں: لکی مروت میں سکیورٹی فورسز کا آپریشن، 5 خوارجی جہنم واصل

مالیاتی سلوشنز پر بات چیت

ڈیجیٹل لین دین میں شفافیت، بہتر کارکردگی اور سیکیورٹی کے امور کے لیے اسٹیبل کوائن سلوشن کے نفاذ پر بات چیت کی گئی۔ ملاقات میں ترسیلات زر، مالیاتی لین دین اور عالمی تجارت کے بہتر فریم ورک کی ضرورت پر زور دیا گیا۔ پاکستان کے معاشی اور مالیاتی نظام کو ڈی سینٹرلائزڈ فنانس ماڈل سے مربوط کرنے پر اتفاقِ رائے کیا گیا۔

یہ بھی پڑھیں: پرامن کارکنوں پر گولیاں چلائی گئیں، محسن نقوی کو حساب دینا ہوگا، عمران خان

وزیراعلیٰ کا عزم

وزیراعلیٰ مریم نواز نے ورلڈ لبرٹی فنانشل کے وفد کے اختراعی معاشی نظریات کو سراہا اور پنجاب کو ڈیجیٹل اینوویشن کا ریجنل لیڈر بنانے کے عزم کا اظہار کیا۔ انہوں نے وفد کو حکومت پنجاب کی ڈیجیٹل ٹیکنالوجیکل ایڈوانسمنٹ اور مالیاتی اشتراک کار کے بارے میں آگاہ کیا۔

پنجاب کے ترقی پذیر اقدامات

وزیراعلیٰ مریم نواز نے کہا کہ پنجاب ڈیجیٹل ٹیکنالوجی اور آن لائن ٹریڈ میں تیزی سے آگے بڑھ رہا ہے۔