پی ٹی آئی میں اختلافات روز بروز بڑھتے جا رہے ہیں: شیر افضل مروت

پاکستان تحریک انصاف میں اختلافات کی بڑھتی ہوئی کیفیت

پشاور(ڈیلی پاکستان آن لائن ) رکن قومی اسمبلی شیر افضل مروت کا کہنا ہے کہ پاکستان تحریک انصاف میں اختلافات روز بروز بڑھتے جا رہے ہیں۔

یہ بھی پڑھیں: قتل اور زیادتی کے جرم میں قید سابق پولیس چیف امریکی جیل سے فرار

پی ٹی آئی کی انتظامی صورتحال

نجی ٹی وی جیو نیوز سے گفتگو کرتے ہوئے شیر افضل مروت کا کہنا تھاکہ پی ٹی آئی کو ایسا تاثر نہیں دینا چاہئے کہ پارٹی میں انتشار ہے۔ ان کا کہنا تھاکہ پی ٹی آئی میں اختلافات ہیں اور یہ اختلافات روز بروز بڑھتے جا رہے ہیں۔

یہ بھی پڑھیں: زمین دار نے کھیت میں داخل ہونے پر بکریوں کے ساتھ کیا کیا؟ افسوسناک انکشاف

پارٹی سے نکالے جانے کا ذکر

ایک سوال کے جواب میں شیر افضل مروت کا کہنا تھا کہ اب تو میں پارٹی سے نکالا جا چکا ہوں، میرے بیانات کو متنازع نہ کہیں۔

یہ بھی پڑھیں: پنجاب کابینہ کا اجلاس، گلگت بلتستان کیلیےایم آر آئی اور کیتھ لیب، ٹورازم انٹرن شپ پروگرام، نرسنگ ایونگ کلاسز، پتنگ بازی کو ناقابل ضمانت قراردینے کی منظوری

امید اور عمران خان سے رابطہ

شیر افضل مروت کا کہنا تھاکہ بانی پی ٹی آئی عمران خان سے ملنے کی دیر ہے، سب کچھ ٹھیک ہو جائے گا، جب بھی پارٹی کو ضرورت پڑی یا بانی پی ٹی آئی نے بلا یا تو جاو¿ں گا۔

مائنز اینڈ منرلز بل کا ذکر

رکن قومی اسمبلی کا کہنا تھاکہ پی ٹی آئی کی صوبائی اور مرکزی قیادت میں اختلافات پیدا کرنے کیلئے مائنز اینڈ منرلز بل کو متنازع بنایا گیا، وزیراعلیٰ کے پی پہلے سے کہہ چکے کہ سوال ہی پیدا نہیں ہوتا کہ صوبہ مرکز کو اپنا حق دے۔