بھارتی کانگریس رہنما چرن جیت سنگھ چنی نے بالاکوٹ سرجیکل سٹرائیکس کے ثبوت طلب کرلئے

چرن جیت سنگھ چنی کا بالاکوٹ سرجیکل سٹرائیکس پر سوال

نئی دہلی (ڈیلی پاکستان آن لائن) بھارتی کانگریس رہنما، مشرقی پنجاب کے سابق وزیراعلیٰ چرن جیت سنگھ چنی نے بالاکوٹ سرجیکل سٹرائیکس کے ثبوت طلب کر لئے۔

سرداد چرن جیت سنگھ چنی کے تبصرے

نجی ٹی وی سما کے مطابق سردار چرن جیت سنگھ چنی نے کہا کہ آج تک بالاکوٹ سرجیکل سٹرائیکس کا کوئی ثبوت نہیں ملا۔ ان کا مزید کہنا تھا کہ پاکستان میں کہاں حملے ہوئے؟ کہاں لوگ مارے گئے؟ کیا اگر ہمارے ملک میں بم گرے تو ہمیں پتہ نہیں چلے گا؟ 2019 میں کہیں کچھ نہیں ہوا، کہیں کوئی حملہ نہیں ہوا۔

بی جے پی کے الزامات

اس کے جواب میں، بی جے پی ترجمان سمبت پترا نے الزام لگایا کہ کانگریس دہشت گردوں اور پاکستانی فوج کو آکسیجن فراہم کر رہی ہے۔ اسی طرح، بی جے پی کے قومی ترجمان شاہنواز حسین نے کانگریس کو پاکستان پرست پارٹی قرار دیا۔