کمپنی کا ویڈیو کالنگ کے لیے استعمال ہونے والا معروف سافٹ ویئر آج سے بند کرنے کا اعلان

مائیکروسافٹ کا سکائپ بند کرنے کا فیصلہ

لاہور( آئی این پی) مائیکروسافٹ کمپنی نے مشور ویڈیو میٹنگ پلیٹ فارم سکائپ کو 22 سال کی طویل سروس کے بعد آج (پیر) سے بند کرنے کا فیصلہ کیا ہے۔

یہ بھی پڑھیں: پاکستانی مسیحی برادری نے شارجہ میں ایسٹر کا جشن منایا، قونصل جنرل کی شرکت

نئے ویڈیو میٹنگ پلیٹ فارم کی مقبولیت

غیر ملکی میڈیا رپورٹ کے مطابق یہ فیصلہ مائیکروسافٹ کی طرف سے بنائے گئے ایک دوسرے ویڈیو میٹنگ پلیٹ فارم، میٹنگ کی مقبولیت کے بعد سامنے آیا ہے۔ کمپنی اب اپنی تمام تر توجہ اس نئی سروس پر مرکوز کرنا چاہتی ہے۔ مائیکروسافٹ کے ایک اعلیٰ عہدیدار کے مطابق، ٹیم میں بھی ان خصوصیات کو جاری رکھا گیا ہے جو سکائپ میں موجود تھیں۔ مائیکروسافٹ ٹیم کے ذریعے انفرادی اور گروپ ویڈیو کالز، مسیجنگ اور فائل شیئرنگ جیسی خدمات سے مفت فائدہ اٹھایا جا سکتا ہے۔

یہ بھی پڑھیں: چیف جسٹس پاکستان جسٹس یحییٰ آفریدی کی زیرصدارت جوڈیشل کمیشن کا اجلاس جاری

سکائپ کے صارفین کی تعداد میں کمی

مائیکروسافٹ کے مطابق گزشتہ 2 سالوں میں ٹیم استعمال کرنے والے صارفین کی تعداد میں 4 گنا اضافہ ہوا ہے۔ سکائپ کے صارفین 2008 میں 400 ملین تک پہنچ گئے تھے، تاہم بعد میں دوسری ایپس آنے کے باعث اس کے استعمال میں کمی آتی رہی۔ کووڈ کے دوران، جہاں دوسرے ویڈیو کانفرنس پلیٹ فارمز کے صارفین کی تعداد میں بڑا اضافہ ہوا، وہیں اسکائپ کے صارفین کی تعداد میں کوئی خاطر خواہ اضافہ دیکھنے میں نہیں آیا۔

سکائپ کی بندش کی وجوہات

رپورٹ کے مطابق، مائیکروسافٹ نے ٹیم پر کام کرنا شروع کردیا اور بالآخر اسکائپ کو پیر کے دن مکمل طور پر بند کرنے کا فیصلہ کیا گیا ہے، جس کی اطلاع صارفین کو بھی دی گئی ہے۔