پاکستان کا سرینگر ایئر بیس پر جوابی حملہ، حامد میر کا دعویٰ

پاکستان کی بھرپور جوابی کارروائی

اسلام آباد (ڈیلی پاکستان آن لائن) بھارت کے بزدلانہ حملے کے جواب میں پاکستان کی طرف سے بھرپور جوابی کارروائی کا سلسلہ جاری ہے۔ سینئر صحافی حامد میر نے دعویٰ کیا ہے کہ پاکستان کی جانب سے مقبوضہ جموں و کشمیر کے دارالحکومت سرینگر میں موجود بھارتی فضائیہ کی ایئر بیس کو جوابی حملے میں نشانہ بنایا گیا ہے۔ سینئر صحافی اجمل جامی کی طرف سے بھی پاکستان کی جوابی کارروائی کا دعویٰ کیا گیا ہے۔

بھارتی ٹارگٹس کو نشانہ

بعض اطلاعات کے مطابق پاکستان کی طرف سے ایک درجن کے قریب بھارتی ٹارگٹس کو نشانہ بنایا گیا ہے۔ پاکستانی شاہین فضا میں اور پاک آرمی زمین پر جوابی کارروائی جاری رکھے ہوئے ہے۔ فضائی حملوں کے ساتھ ساتھ بھارت نے لائن آف کنٹرول پر بھی اشتعال انگیزی کی جس کا بھرپور انداز میں جواب دیا جا رہا ہے۔