کراچی میں خواجہ سراؤں کا بھارت کے خلاف احتجاج، مودی مردہ باد کے نعرے

کراچی کی خواجہ سراء برادری کا مظاہرہ

کراچی ( ڈیلی پاکستان آن لائن ) کراچی کی خواجہ سراء برادری نے بھارت کے خلاف کراچی پریس کلب پر مظاہرہ کیا اور مودی حکومت کے خلاف نعرے بازی کی۔

یہ بھی پڑھیں: پی ٹی اے نے پاکستان میں غیررجسٹرڈ وی پی این بلاک کرنا شروع کردیئے

ہماری حمایت اور یکجہتی

’’ایکسپریس نیوز‘‘ کے مطابق خواجہ سرا ءکمیونٹی نے بندیا رانا کی قیادت میں مسلح افواج کی مکمل حمایت اور اظہار یکجہتی کیا۔ خواجہ سراؤں نے قومی پرچم اٹھا رکھا تھا، انہوں نے اس عزم کا اعادہ کیا کہ وہ وطن عزیز کی سلامتی کے لیے پاک فوج کے ساتھ ہیں۔

یہ بھی پڑھیں: 47 سالہ ٹرانس جینڈر نے خواتین کے سوئمنگ مقابلوں میں حصہ لیا اور ہر مقابلہ میں گولڈ میڈل جیت لیا، ہنگامہ برپا ہوگیا

مظاہرے سے خطاب

اس موقع پر جیا فاؤنڈیشن کی ایگزیکٹو ڈائریکٹر خواجہ سرا ءبندیا رانا نے مظاہرے سے خطاب کرتے ہوئے کہا کہ بھارت کو منہ توڑ جواب پر پاکستانی افواج کو خراج تحسین پیش کرتے ہیں، بھارت کا مودی صرف ڈرون حملوں پر اتر آیا ہے۔ بھارتی فوج سرحد پار کرنے کی ہمت تو دکھائے، پاکستانی قوم بھارت کی جنگی گیڈر بھپکیوں پر تفریح کررہی ہے، ہم ڈرون حملوں سے خوفزدہ ہونے والی قوم نہیں ہیں جہاں پاکستان کے مرد، جوان کھڑے وہیں خواجہ سرا ءان کے شانہ بشانہ کھڑے ہیں۔

مضبوطی کا عزم

بندیا رانا نے کہا کہ بھارتی فوج پاکستان میں داخل ہوئی تو سب سے پہلے خواجہ سرا ءانہیں ماریں گے، بھارت نے اگر ہمارا پانی بند کیا تو ہم اس کی سانسیں بند کردیں گے۔