معرکہ حق کی تاریخی فتح، قونصل خانہ پاکستان بارسلونا میں یوم تشکر کی تقریب، آئندہ کوئی پاکستان کو میلی آنکھ سے بھی نہیں دیکھنے کی جرات کرے گا: مراد علی وزیر

یوم تشکر کی شاندار تقریب

بارسلونا(ارشد نذیر ساحل) قونصل خانہ پاکستان بارسلونا میں معرکہ حق کی تاریخی فتح پر یوم تشکر کی شاندار تقریب کا انعقاد کیا گیا، جس میں بارسلونا اور گرد و نواح میں مقیم پاکستانی و کشمیری کمیونٹی کے افراد نے بڑی تعداد میں شرکت کی۔

یہ بھی پڑھیں: ایڈوانس گولڈ کی درآمد پر پابندی سے سونے کے زیورات کی برآمد معطل

تقریب کی شروعات

تقریب کا آغاز تلاوتِ کلامِ پاک اور نعتِ رسولِ مقبولؐ سے ہوا، جس کے بعد ملی نغموں کی دھنوں نے شرکاء کے جذبے کو مزید جلا بخشی۔ معروف پاکستانی گلوکار قدیر احمد نے خصوصی طور پر ملی نغمہ پیش کر کے حاضرین سے داد حاصل کی۔

یہ بھی پڑھیں: بچوں کا قصور نہیں

قونصل جنرل کا خطاب

تقریب سے خطاب کرتے ہوئے قونصل جنرل پاکستان بارسلونا مراد علی وزیر نے کہا کہ یہ پروقار تقریب یوم تشکر کے طور پر منائی جا رہی ہے، جس کا مقصد افواج پاکستان کو خراجِ تحسین پیش کرنا ہے۔ اُنہوں نے کہا کہ پاکستان کی بہادر افواج نے دشمن کو بھرپور جواب دے کر یہ پیغام دیا کہ وطن عزیز کی طرف میلی آنکھ سے دیکھنے کی جرات آئندہ کوئی نہیں کر سکے گا۔

یہ بھی پڑھیں: کراچی میں خاتون نے آشنا کے ساتھ مل کر بیٹی کو قتل کردیا

افواج کی قربانیاں

اُن کا کہنا تھا کہ دشمن نے نہتے شہریوں اور عبادت گاہوں کو نشانہ بنایا، لیکن ہماری افواج نے صرف دشمن کے ٹھکانوں کو نشانہ بنایا، شہری آبادی کو نقصان سے محفوظ رکھا۔ پاکستانی ایئرفورس نے جس طرح دشمن کے گھر میں گھس کر کارروائی کی، وہ بہادری اور پیشہ ورانہ مہارت کی روشن مثال ہے۔ مراد علی وزیر نے کہا کہ حکومت پاکستان نے افواج کو مکمل اختیارات دے کر جس بصیرت کا مظاہرہ کیا، وہ قابلِ تحسین ہے۔ اُنہوں نے کہا کہ عام شہریوں کا جذبہ بھی دیدنی تھا، پوری قوم افواج پاکستان کے شانہ بشانہ کھڑی رہی۔

یہ بھی پڑھیں: ریاست مخالف پروپیگنڈے کے الزام میں پی ٹی آئی کے یوسی چیئرمین کو گرفتار کرلیا گیا

ایف آئی اے نمائندے کا پیغام

تقریب سے خطاب کرتے ہوئے ایف آئی اے نمائندہ وحید الرحمن نے کہا کہ ہم آج افواج پاکستان کا شکریہ ادا کرنے کے لیے جمع ہوئے ہیں۔ اُنہوں نے کہا کہ یہ پیغام دینا چاہتے ہیں کہ ہم وطن سے دور ہو کر بھی دل سے اپنے محافظوں کے ساتھ ہیں۔ افواج پاکستان نے ثابت کر دیا ہے کہ وہ وطن کے ایک ایک انچ کا دفاع کرنا جانتے ہیں اور دشمن کو مؤثر جواب دینے کی بھرپور صلاحیت رکھتے ہیں۔