پاکستان نے آپریشن “بنیان مرصوص” کے دوران شاہین میزائل استعمال کرنے کے بھارتی دعوﺅں کو مسترد کردیا

پاکستان کا بھارتی میڈیا کے دعووں کی تردید

اسلام آباد (ڈیلی پاکستان آن لائن) پاکستان نے آپریشن "بنیان مرصوص" میں شاہین میزائل کے استعمال سے متعلق بھارت کے ذرائع ابلاغ کے بنیاد دعوﺅں کو مسترد کردیا۔

یہ بھی پڑھیں: کنٹینر پر بشریٰ بی بی کے ساتھ سائے کی طرح موجود یہ پُراسرار شخص کون تھا؟ نیا تنازعہ کھڑا ہوگیا.

ترجمان دفتر خارجہ کا بیان

نجی ٹی وی ایکسپریس نیوز کے مطابق بھارتی میڈیا کے ان بے بنیاد دعوﺅں کے جواب میں ترجمان دفتر خارجہ نے اپنے جاری بیان میں کہا کہ یہ الزامات سراسر جھوٹ پر مبنی اور بے بنیاد ہیں۔ انہوں نے کہا کہ بھارتی فوج کے آفیشل ٹوئٹر اکاﺅنٹ پر ایک ویڈیو جاری کی گئی جس میں دعویٰ کیا گیا کہ پاکستان نے شاہین میزائل استعمال کیا، جب بھارتی فوج کو اپنی غلطی کا ادراک ہوا تو اس ویڈیو کو فوراً حذف کر دیا گیا، تاہم تب تک بھارتی میڈیا کے کچھ حلقے بغیر تصدیق کے اس جھوٹے دعوے کو بڑھا چکے تھے۔

یہ بھی پڑھیں: اسلام آباد نے ہاتھ پیر پھیلانے شروع کیے تو ایک دن چپ چاپ جغرافیائی حدود کو پھلانگ کر گولڑہ تک آن پہنچا اب یہ اسلام آباد کا حصہ ہی تصور ہوتا ہے.

بھارتی میڈیا کی مہم اور وضاحت کی عدم موجودگی

بیان میں کہا گیا کہ افسوس کے ساتھ کہنا پڑتا ہے کہ اب بھی بعض بھارتی میڈیا ادارے اس جھوٹی مہم کو جاری رکھے ہوئے ہیں۔ یہ امر قابلِ غور ہے کہ بھارتی فوج کے سرکاری اکاﺅنٹ نے اب تک اس غلط پوسٹ پر کوئی وضاحت یا تردید جاری نہیں کی۔

یہ بھی پڑھیں: جیسے ہی اصل امتحان آتا ہے، گنڈا پور میدان چھوڑ کر بھاگ جاتا ہے:عظمیٰ بخاری

بھارتی فوج کی ناکامیوں پر توجہ ہٹانے کی کوشش

ترجمان دفتر خارجہ نے کہا کہ من گھڑت اطلاعات دراصل بھارت کی آپریشن "سندور" میں ناکامیوں سے توجہ ہٹانے کی منظم کوششوں کا حصہ ہیں۔ پاکستان کی روایتی فوجی صلاحیتوں نے واضح برتری حاصل کی ہے۔

یہ بھی پڑھیں: کراچی: اغوا اور زیادتی کے مقدمے میں قید ملزم جیل سے فرار

نئی دہلی کی جانب سے جنگ بندی کی خلاف ورزیوں کا تسلسل

بیان میں کہا گیا کہ یہ پروپیگنڈا نئی دہلی کی جانب سے جنگ بندی کی خلاف ورزیوں اور پاکستان پر "جوہری بلیک میلنگ" جیسے من گھڑت الزامات پر مبنی بیانیے کو فروغ دینے کی کوشش کا تسلسل ہے۔

یہ بھی پڑھیں: پنجاب کے وزیراعلیٰ نے گھریلو تنازع پر شوہر کی جانب سے اہلیہ پر تیزاب پھینکنے کے واقعہ کا نوٹس لیا

پاکستان کی فوجی صلاحیتوں کا ذکر

پاکستان کی جانب سے استعمال کئے گئے ہتھیاروں کی مکمل تفصیل آئی ایس پی آر کی 12 مئی کی پریس ریلیز میں دی گئی ہے۔ طویل فاصلے تک مار کرنے والے فَتح سیریز F1 اور F2 میزائل، جدید ترین ہتھیار، لانگ رینج لوئٹرنگ کِلر ڈرونز اور ہائی پریسیڑن طویل فاصلے کی توپیں شامل ہیں۔

اشتعال انگیز مواد کی اشاعت کے اثرات

ترجمان نے کہا کہ ان میزائلوں سے بھارت اور مقبوضہ جموں و کشمیر میں واقع مخصوص فوجی اہداف کو نشانہ بنایا گیا۔ غیر مصدقہ اور اشتعال انگیز مواد کی اشاعت نہ صرف علاقائی استحکام کے لئے نقصان دہ ہے، بلکہ سرکاری اداروں کی پیشہ ورانہ ساکھ پر بھی سوال اٹھاتی ہے۔