بنگلہ دیش کی ٹیم کو پاکستان کے خلاف سیریز سے قبل ایک اور جھٹکا

بنگلادیشی ٹیم کو مشکلات کا سامنا

لاہور (ڈیلی پاکستان آن لائن )پاکستان کیخلاف 3 میچز کی ٹی20 میچز کی سیریز سے قبل بنگلادیشی ٹیم مشکلات کے بھنور میں پھنس گئی۔

یہ بھی پڑھیں: پی سی بی چیلنج کپ، میچ کے دوران جوان بولر جاں بحق

اہم کھلاڑیوں کی غیر موجودگی

بنگلادیشی فاسٹ بولر ناہید رانا کی سیریز سے دستبرداری کے بعد اب سومیہ سرکار انجری کے سبب سیریز سے باہر ہو گئے، جس کے باعث مہدی حسن میراز کو اسکواڈ میں جگہ دی گئی ہے۔

یہ بھی پڑھیں: پی کے ۷۹ پشاور کے امیدوار تیمور سلیم جھگڑا کی انتخابی عذرداری خارج، ن لیگ کے امیدوار جلال خان کی کامیابی کو درست قرار دے دیا گیا

سیریز کی تاریخیں

دورہ پاکستان کے دوران بنگلادیشی ٹیم کو 25 مئی کو لاہور پہنچنا ہے۔ سیریز کا پہلا میچ 28، دوسرا 30 مئی جبکہ آخری میچ یکم جون کو شیڈول ہے۔ تاہم فاسٹ بولر ناہید رانا اور 2 سپورٹ اسٹاف ارکان نے سیکیورٹی خدشات پر ٹور سے انکار کردیا تھا۔

یہ بھی پڑھیں: آئندہ برس کیلئے حج پالیسی کا اعلان، اخراجات 11 لاکھ 75 ہزار روپے تک متوقع

سومیہ سرکار کی انجری کی تفصیلات

سومیہ سرکار گذشتہ ایک ہفتے سے کمر کی تکلیف سے دوچار ہیں۔ اگرچہ وہ یو اے ای کے خلاف ٹی 20 سیریز کیلیے اسکواڈ کا حصہ تھے مگر میدان میں نہیں اترسکے۔ بنگادیش کو اس سیریز میں تاریخی ہزیمیت کا منہ دیکھنا پڑا ہے، یو اے ای نے بنگال ٹائیگر کو 3 میچز کی سیریز میں 1-2 سے شکست دیدی ہے۔

یہ بھی پڑھیں: اوورسیز پاکستانیوں کے لئے خوشخبری، موبائل فون پر ٹیکس میں کمی پر غور

فزیو کی رپورٹ اور مہدی حسن میراز کی شمولیت

ٹیم کے فزیو بیجید الاسلام خان نے کہا کہ سومیہ سرکار کو مکمل فٹ ہونے میں مزید 2 ہفتے لگ سکتے ہیں۔ مہدی حسن میراز پہلے سے ہی پی ایس ایل کیلیے پاکستان میں موجود ہیں۔

مہدی حسن میراز کی کارکردگی

قبل ازیں بنگلہ دیشی سلیکٹرز نے مہدی حسن میراز کو یو اے ای اور پاکستان سے سیریز کیلئے منتخب نہیں کیا تھا۔ مہدی نے 2024-25 کے سیزن میں بہتر کارکردگی دکھائی، انھوں نے بی پی ایل میں 355 رنز بنائے، ساتھ 13 وکٹیں بھی لیں،وہ ٹورنامنٹ کے بہترین کھلاڑی قرار پائے تھے۔