ٹرمپ کا میموریل ڈے پر پیغام، سابق صدر بائیڈن اور انتظامیہ پر خوب غصہ نکالا

ٹرمپ کا میموریل ڈے پیغام

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے میموریل ڈے کے موقع پر سابق صدر جو بائیڈن اور ان کی انتظامیہ پر شدید تنقید کی۔
نجی ٹی وی جیو نیوز کی رپورٹ کے مطابق، ٹرمپ نے سوشل میڈیا پلیٹ فارم ٹروتھ سوشل پر ایک پیغام جاری کیا جس میں انہوں نے اس دن کو اس 'گند' کا بھی خیرمقدم کیا جو پچھلے چار سالوں میں ہماری قوم کو تباہ کرنے کی کوشش کرتا رہا۔

یہ بھی پڑھیں: پاکستان کو اس سیریز سے سپرسٹارز ملیں گے، محمد رضوان کی زمبابوے کے خلاف سیریز سے قبل پریس کانفرنس

غیر قانونی داخلے اور سرحدی پالیسیاں

ٹرمپ نے کہا کہ انتہا پسند بائیں بازو کی سوچ رکھنے والوں نے 2 کروڑ 10 لاکھ لوگوں کو غیر قانونی طور پر ہمارے ملک میں داخل ہونے کی اجازت دی، جن میں سے بیشتر مجرم اور ذہنی مریض تھے۔ یہ سب اس کھلی سرحدی پالیسی کے تحت ممکن ہوا جو صرف ایک نااہل صدر ہی منظور کر سکتا تھا۔

یہ بھی پڑھیں: کال سنٹر میں کام کے دوران ساتھی سے محبت کی شادی کرنیوالی لڑکی تین ماہ بعد ہی مبینہ طور پر اپنے شوہر کے ہاتھوں قتل

عدلیہ اور مجرموں کا معاملہ

انہوں نے مزید کہا کہ یہ سب کچھ ایسے ججوں کی مدد سے ہوا جو قاتلوں، منشیات فروشوں، ریپ کرنے والوں، گینگ ممبرز اور دنیا بھر کی جیلوں سے رہا ہونے والے مجرموں کو ہمارے ملک میں لانے کے خواہاں تھے۔ صدر ٹرمپ نے امید ظاہر کی کہ سپریم کورٹ اور دیگر نیک نیت جج حضرات ہمیں ان درندوں کے فیصلوں سے بچائیں گے۔

آنے والے دنوں کی پیشگوئی

ٹرمپ نے اس بات کا یقین دلایا کہ گزشتہ چار مہینوں کے دوران ہم نے نمایاں پیش رفت کی ہے اور امریکہ جلد ہی دوبارہ محفوظ اور عظیم بنے گا۔