پاکستان کو اس وقت سیاسی استحکام اور قومی اتفاق رائے کی ضرورت ہے:صدر مملکت آصف علی زرداری

صدر مملکت کی وفاقی وزیر مواصلات سے ملاقات

اسلام آباد (ڈیلی پاکستان آن لائن) صدر مملکت آصف علی زرداری سے وفاقی وزیر مواصلات علیم خان نے ملاقات کی ہے۔

یہ بھی پڑھیں: عمران خان اقتدار بدر ہونے کے بعد سے اب تک مسلسل غلط پتّے چل رہے ہیں: عرفان صدیقی کھل کر بول پڑے

مواصلاتی نظام کی اہمیت

اسلام آباد میں ہونے والی ملاقات میں صدر مملکت نے کہا کہ ملکی ترقی کے لیے جدید اور پائیدار مواصلاتی نظام ناگزیر ہے۔ وفاق اور صوبوں کے درمیان ہم آہنگی سے ترقیاتی اہداف حاصل کیے جا سکتے ہیں۔

پولیٹیکل استحکام کی ضرورت

’’جنگ‘‘ کے مطابق صدر مملکت آصف علی زرداری سے پی پی رہنما راجہ پرویز اشرف کی قیادت میں وفد نے بھی ملاقات کی۔ اس دوران آصف علی زرداری نے کہا کہ پاکستان کو اس وقت سیاسی استحکام اور قومی اتفاق رائے کی ضرورت ہے۔ جمہوری قوتیں ساتھ چلیں گی تو عوام کے مسائل کا حل نکالا جا سکتا ہے، ملکی معیشت مضبوط بنانے کے لیے سب کو مشترکہ حکمت عملی اختیار کرنا ہوگی۔