موٹر وے پر نان ایم-ٹیگ اور کم بیلنس والی گاڑیوں پر 50 فیصد اضافی ٹول ٹیکس نافذ، یکم جون سے اطلاق

نیشنل ہائی وے اتھارٹی کا اہم اقدام

اسلام آباد(ڈیلی پاکستان آن لائن) نیشنل ہائی وے اتھارٹی (NHA) نے ملک بھر کی موٹر ویز پر 100 فیصد ایم-ٹیگ نظام کے نفاذ کے سلسلے میں ایک اہم اقدام اٹھاتے ہوئے نان ایم-ٹیگ (Non-M-Tag) اور کم بیلنس رکھنے والی گاڑیوں پر اضافی ٹول ٹیکس عائد کرنے کا اعلان کر دیا ہے۔

یہ بھی پڑھیں: پارلیمنٹ ہاوس کی راہداریوں میں موبائل فون ویڈیوز بنانے پر پابندی عائد

نوٹیفکیشن کی تفصیلات

جاری کردہ نوٹیفکیشن کے مطابق، 1 جون 2025 سے ایسی تمام گاڑیوں سے اصل ٹول شرح سے 50 فیصد زائد وصول کیا جائے گا جبکہ کم از کم اضافی چارجز کی حد 50 روپے مقرر کی گئی ہے۔

ایم-ٹیگ نظام کا مقصد

یہ فیصلہ "مجاز اتھارٹی" کی منظوری سے کیا گیا ہے تاکہ ایم-ٹیگ کے نظام کو مؤثر اور مکمل طور پر نافذ کیا جا سکے جس کا مقصد ٹول وصولی میں شفافیت، تیز رفتاری اور جدیدیت لانا ہے۔