اسلام آباد میں بلدیاتی انتخابات نہ ہونے پر وزیراعظم کو بھی طلب کیا جا سکتا ہے: چیف الیکشن کمشنر

چیف الیکشن کمشنر کا انتباہ

اسلام آباد (ڈیلی پاکستان آن لائن )چیف الیکشن کمشنر سکندر سلطان راجا نے خبردار کیا ہے کہ اگر اسلام آباد میں بلدیاتی انتخابات نہ کرائے گئے تو الیکشن کمیشن وزیراعظم کو بھی طلب کرسکتا ہے۔

یہ بھی پڑھیں: خواب ٹوٹنے پر ماں نے اپنی سگی بیٹی کو قتل کر دیا، افسوسناک انکشاف

بلدیاتی انتخابات کی سماعت

نجی سوشل میڈیا ویب سائٹ وی نیوز کے مطابق، چیف الیکشن کمشنر نے یہ بات پنجاب میں بلدیاتی انتخابات سے متعلق کیس کی سماعت کے دوران کہی، جس کی صدارت چیف الیکشن کمشنر نے کی۔ 5 رکنی کمیشن کے روبرو سیکرٹری الیکشن کمیشن عمر حمید نے بریفنگ دیتے ہوئے بتایا کہ پنجاب اور وفاقی حکومت بلدیاتی انتخابات کرانے میں سنجیدہ نظر نہیں آتیں۔

یہ بھی پڑھیں: گوگل میپ کا استعمال، خاتون گاڑی سمیت نالے میں جا گری

پنجاب میں بلدیاتی انتخابات کی صورتحال

سیکرٹری نے مزید بتایا کہ پنجاب میں 3 سال سے بلدیاتی انتخابات نہیں کرائے گئے حالانکہ وہاں 31 دسمبر 2021 کو بلدیاتی حکومتوں کی مدت ختم ہو چکی ہے۔ پنجاب میں 2019 سے اب تک 5 بار مقامی حکومت سے متعلق قوانین تبدیل کئے جا چکے ہیں اور اب چھٹی بار قانون سازی کی جارہی ہے۔

یہ بھی پڑھیں: گوادر میں مذبح خانے کی تعمیر شروع، پاکستان سالانہ کتنے لاکھ گدھوں کی کھالیں اور گوشت چین کو برآمد کریگا؟ جانیے

نئے قانون پر پیشرفت

اس موقع پر وزیر بلدیات پنجاب نے کمیشن کو آگاہ کیا کہ نیا قانون قائمہ کمیٹی میں زیر غور ہے اور جلد منظوری کی کوشش جاری ہے۔ ان کے مطابق بل کو اسمبلی میں 3 ماہ سے زائد عرصہ ہو چکا ہے جبکہ عام طور پر منظوری کے لئے دو ماہ درکار ہوتے ہیں۔

یہ بھی پڑھیں: بجٹ خسارہ 6501 ارب روپے رہنے کا تخمینہ، دفاع کیلئے 2550 ارب روپے مختص کرنے کی تجویز

چیف الیکشن کمشنر کا مؤقف

چیف الیکشن کمشنر نے اظہار برہمی کرتے ہوئے کہا کہ وہ بلدیاتی حکومتوں کے حوالے سے خود سپریم کورٹ میں پیش ہو چکے ہیں اور اب یہ ممکن نہیں کہ صوبائی حکومت محض قانون سازی کے انتظار میں انتخابات ملتوی کرتی رہے۔ انہوں نے واضح کیا کہ اگر الیکشن کمیشن بلدیاتی انتخابات کے حوالے سے باضابطہ حکم جاری کرے تو یہ حکومت کے لئے شرمندگی کا باعث بنے گا۔

وزیراعظم کی طلبی کا امکان

ممبر کمیشن نے ریمارکس دیئے کہ اب ہمیں کسی ایسے فرد کو بلانا ہوگا جو حتمی یقین دہانی کرا سکے کہ انتخابات کب ہوں گے۔ چیف الیکشن کمشنر نے مزید کہا کہ کمیشن آنکھیں بند کرکے نہیں بیٹھ سکتا۔ اگر پنجاب میں وزیراعلیٰ کو بلایا جا سکتا ہے تو اسلام آباد کے معاملے میں وزیراعظم کو بھی طلب کیا جا سکتا ہے۔ الیکشن کمیشن نے کیس کی مزید سماعت ملتوی کر دی۔