میرے سینے میں بہت کچھ دفن، میرا میٹر گھومے تو کبھی کبھی باجوہ کے خلاف کہہ دیتا ہوں، خواجہ آصف ایک بار پھر اپنے روایتی انداز میں سامنے آگئے

وزیر دفاع خواجہ آصف کا انکشاف

اسلام آباد (آئی این پی) وزیر دفاع خواجہ آصف نے کہا ہے کہ میرے سینے میں بہت کچھ دفن ہے، میرا میٹر گھومے تو کبھی کبھی باجوہ کے خلاف کہہ دیتا ہوں۔ کچھ کہتا ہوں تو باجوہ میرے بڑوں سے شکایتیں کرتے ہیں۔ ہماری 2 نسلوں نے اتنی سیاست نہیں کی جتنی باجوہ نے اپنے پانچ سالہ دور میں کی۔

یہ بھی پڑھیں: امریکی خفیہ آپریشن ٹمبر سیکامور کے تحت باغیوں کو بشار الاسد کی حکومت گرانے کے لیے اسلحہ اور ٹریننگ دی گئی، ویڈیو دیکھیں

بھارت کے خلاف سفارتی جنگ

نجی ٹی وی سے گفتگو کرتے ہوئے وزیر دفاع خواجہ آصف نے کہا کہ بھارت کے خلاف سفارتی جنگ بھی ہونی چاہیے۔ کلبھوشن یادیو ہمارے پاس بھارتی دہشت گردی کا ثبوت ہے۔ بھارت کو تکلیف ہے کہ ٹرمپ کشمیر کی بات کیوں کررہا ہے، اور اسے اس بات کا بھی نقصان ہوا ہے کہ کشمیر کا معاملہ دنیا کے ریڈار پر آگیا۔

یہ بھی پڑھیں: پہلگام فالس فلیگ آپریشن اور مودی سرکار پر سوال اٹھانے والے کشمیری صحافی کے ساتھ بھارتی فورسز نے کیا سلوک کیا ۔۔۔؟ ویڈیو دیکھیں

باجوہ کے دور کی سیاست

خواجہ آصف نے مزید کہا کہ میرے سینے میں بہت کچھ دفن ہے، اور میں کبھی کبھار باجوہ کے خلاف کہہ دیتا ہوں۔ کچھ کہتا ہوں تو باجوہ میرے بڑوں کو فون کرکے شکایتیں کرتے ہیں۔ ہماری دو نسلوں نے اتنی سیاست نہیں کی جتنی سیاست باجوہ نے اپنے 5 سالہ دور میں کی۔

باجوہ اور موجودہ آرمی چیف میں فرق

وزیر دفاع نے کہا کہ نومبر کے 10 دنوں میں جب چیف کی تقرری ہونی تھی، ان دنوں باجوہ روزانہ ایک نیا پیکج تیار کر کے دیتے، اور ہر پیکج میں باجوہ صاحب کی تصویر ضرور ہوتی تھی۔ میں زیادہ بولوں گا تو پھر شکوے شکایت ہوں گے۔ انہوں نے کہا کہ باجوہ اور موجودہ آرمی چیف میں زمین آسمان کا فرق ہے۔ باجوہ کہتے تھے یا میری خدمات جاری رکھو یا میرے منتخب کو بنادو۔