ٹرمپ سے تنازعہ، ایلون مسک کے والد میدان میں آگئے، بیٹے کی غلطی کی نشاندہی کردی
ایلون مسک کے والد کا ٹرمپ اور ایلون کے تنازع پر تبصرہ
نئی دہلی (ڈیلی پاکستان آن لائن) ایل Elon Musk کے والد ایرول مسک نے امریکی صدر ڈونلڈ ٹرمپ اور اپنے بیٹے کے درمیان جاری تنازع کو محض "الفا مردوں کا ٹکراؤ" قرار دیتے ہوئے کہا ہے کہ یہ تنازع چند دنوں میں ختم ہو جائے گا۔
یہ بھی پڑھیں: خطے کا پائیدار امن مسئلہ کشمیر کے منصفانہ حل سے وابستہ ہے، سہیل آفریدی
ایرول مسک کی رائے
دہلی ایئرپورٹ کے لاؤنج سے العربیہ انگلش سے گفتگو میں انہوں نے اس سوشل میڈیا جھڑپ کو "تھوڑا سا احمقانہ" قرار دیا اور کہا کہ طاقت کے بلند ترین درجوں پر موجود افراد بھی دباؤ اور تھکن کے باعث اس قسم کے ردعمل کا شکار ہو جاتے ہیں۔
یہ بھی پڑھیں: رضوان کی مشکلات مزید بڑھ گئیں، حارث کے بعد قسمت کس پر مہربان؟
ذہنی دباؤ اور ردعمل
ایرول مسک نے کہا "جب لوگ بہت زیادہ ذہنی دباؤ سے گزرتے ہیں تو آخرکار ایک مرحلہ آتا ہے جہاں وہ پھٹ پڑتے ہیں۔" ان کے مطابق اقتدار کے اعلیٰ ترین طبقات میں بھی لوگوں کو باہمی ہم آہنگی پیدا کرنے میں دشواری ہوتی ہے۔
یہ بھی پڑھیں: سوشل میڈیا پلیٹ فارمز سے منسلک 184 ملین سے زائد پاسورڈز لیک ہونے کا انکشاف
تنازع کا محرک
ایرول نے تسلیم کیا کہ ایلون اس بات پر فکرمند ہیں کہ ڈیموکریٹ جماعت مالی مراعات کو استعمال کرکے قانون سازی پر اثرانداز ہو رہی ہے، اور یہی نکتہ اس تنازع کا محرک بنا۔ تاہم ان کا ماننا ہے کہ ایلون اور ٹرمپ کے درمیان کشیدگی عارضی ہے اور جلد ختم ہو جائے گی۔
یہ بھی پڑھیں: سائبر حملوں کا خدشہ، ایڈوائزری جاری
ایلون کو پیغام
انہوں نے مزید بتایا کہ انہوں نے ایلون کو پیغام بھیجا ہے کہ "یہ معاملہ ختم کر دو۔"
یہ بھی پڑھیں: آئی ایم ایف کو بجلی مہنگی کرنے کی یقین دہانی، بجٹ سبسڈی 830 ارب تک محدود رکھنے کا فیصلہ
جیفری ایپسٹین کے حوالے سے تبصرہ
جہاں تک ایلون کی طرف سے جیفری ایپسٹین کی فائلز کا حوالہ دے کر ٹرمپ پر حملہ کرنے کی بات ہے، تو ایرول مسک خود بھی حیران دکھائی دیے۔ انہوں نے کہا "مجھے معلوم نہیں وہ کیا سوچ رہا تھا، میرا خیال ہے کہ یہ ایک احمقانہ غلطی تھی۔" انہوں نے اسے حکمتِ عملی کے بجائے ذہنی دباؤ کا نتیجہ قرار دیا۔
یہ بھی پڑھیں: 18 ویں ترمیم میں صوبوں اور مرکز کے پاس جو وسائل ہیں انہیں بیلنس کرنے کی ضرورت ہے: رانا ثنا
آپس میں ٹکراؤ
ایرول مسک کا کہنا تھا کہ کوئی بھی مکمل معصوم نہیں، یہ جھگڑا "ہاتھیوں یا الفا مردوں کا آپس میں ٹکراؤ" ہے۔
امریکہ کا دورہ اور عوامی حمایت
ایرول مسک نے حال ہی میں امریکہ کا تین ہفتے کا دورہ مکمل کیا ہے، اور ان کے مطابق وہاں عوامی حمایت مکمل طور پر ڈونلڈ ٹرمپ کے ساتھ ہے۔ انہوں نے کہا، "میں کہنا چاہوں گا کہ 80 فیصد لوگ ٹرمپ کے ساتھ ہیں، لیکن حقیقت میں تو 100 فیصد حمایت ہے۔"
