صدر اور وزیراعظم سمیت اہم شخصیات نے نماز عید کہاں ادا کی؟

عیدالاضحیٰ کی روحانی خوشیاں

اسلام آباد(ڈیلی پاکستان آن لائن) ملک بھر میں عیدالاضحیٰ مذہبی عقیدت و احترام کے ساتھ منائی جا رہی ہے۔ اہم سیاسی شخصیات نے نماز عید کہاں کہاں ادا کی؟

یہ بھی پڑھیں: لیسکو چیف ایگزیکٹو رمضان بٹ کی زیر صدارت سرکل ہیڈز کا اجلاس، بجلی چوروں کیخلاف اہم فیصلے

صدر و وزیراعظم کی نماز عید

نجی ٹی وی دنیا نیوز کے مطابق صدر مملکت آصف علی زرداری نے ایوان صدر اسلام آباد میں عید کی نماز ادا کی اور سب سے گلے مل کر عید کی مبارکباد دی۔ گورنر فیصل کریم کنڈی اور راجہ پرویز اشرف نے بھی صدر مملکت کے ہمراہ نماز عید ادا کی۔

وزیراعظم شہباز شریف نے ماڈل ٹاؤن لاہور میں نماز عید ادا کی، حمزہ شہباز اور دیگر پارٹی رہنما بھی شریک ہوئے۔

یہ بھی پڑھیں: بھارت کی خود کو معاشی پناہ گاہ کے طور پر پیش کرنے کی کوشش ناکام ہونے لگی، تہلکہ خیز رپورٹ آگئی

ملک بھر میں عید کی ادائیگی

چیئرمین دنیا میڈیا گروپ میاں عامر محمود اور صدر ماڈل ٹاؤن صاحبزادہ سیف الرحمان نے ماڈل ٹاؤن سینٹرل پارک لاہور میں نماز عید ادا کی، قاری حافظ محمد رضوان اللہ نے نمازعید کی امامت کرائی۔

وزیراعلیٰ خیبرپختونخوا علی امین گنڈاپور نے ڈیرہ اسماعیل خان میں نماز عید ادا کی، جبکہ جمعیت علماء اسلام (ف) کے سربراہ مولانا فضل الرحمان نے عید کی نماز آبائی گاؤں عبدالخیل میں ادا کی اور تمام عالم اسلام کو عید کی مبارک دی۔

یہ بھی پڑھیں: موسمیاتی تبدیلی اتھارٹی کے قیام سے متعلق کیس ؛26ویں آئینی ترمیم سے متعلق جسٹس منصور علی شاہ اور جسٹس عائشہ ملک کے دلچسپ ریمارکس

دیگر اہم شخصیات کی نماز عید

وفاقی وزیر دفاع خواجہ آصف نے سیالکوٹ کینٹ میں نمازِ عید ادا کی، چیئرمین سینیٹ یوسف رضا گیلانی نے ملتان میں عید کی نماز پڑھی۔

سربراہ عوامی مسلم لیگ اور سابق وزیر داخلہ شیخ رشید احمد نے راولپنڈی کے لیاقت باغ میں نماز عید ادا کی، جہاں ضلع کا نماز عید کا سب سے بڑا اجتماع منعقد ہوا۔ کمشنر راولپنڈی عامر خٹک نے بھی لیاقت باغ میں نماز عید پڑھی۔

چودھری برادران نے نماز عید الاضحیٰ گجرات میں ادا کی۔ چودھری پرویز الہٰی نے نماز جامع مسجد خاتم النبین میں ادا کی اور نماز کے بعد پارٹی کارکنوں سے ملاقاتیں کیں۔

یہ بھی پڑھیں: سانحہ خضدار کے حوالے سے ہم جو کہہ رہے ہیں، اُس کا ثبوت دیں گے، خواجہ آصف

عید پر پیغام

چودھری پرویز الہٰی کا کہنا تھا کہ افواج پاکستان نے جس دلیری سے حالیہ جنگ میں مقابلہ کیا خراج تحسین پیش کرتے ہیں۔ ایئر فورس کے جوان خراج تحسین کے مستحق ہیں۔ قوم کشمیر اور فلسطین کے ساتھ کھڑی ہے۔

وفاقی وزیر قومی غذائی تحفظ و تحقیق رانا تنویر حسین نے نارنگ منڈی میں نماز عید ادا کرتے ہوئے قوم کو نئے اور مضبوط پاکستان کی پہلی عید مبارک پیش کی۔

میڈیا سے گفتگو کرتے ہوئے انہوں نے کہا کہ بھارتی جنگ نے دنیا کا نقشہ بدل دیا، افواج پاکستان نے وطن کا شاندار دفاع کرکے مضبوط پاکستان کی بنیاد رکھی۔

یہ بھی پڑھیں: 26ویں آئینی ترمیم کے معاملے پر فضل الرحمان کے ساتھ ہاتھ نہیں ہوگا ، فیصل واوڈا

عید کی خوشیاں

وزیراعلیٰ سندھ مراد علی شاہ نے گڑھی خدا بخش میں عیدالاضحیٰ کی نماز ادا کی۔ گورنر سندھ اویس شاہ اور رہنما پیپلز پارٹی خورشید شاہ نے بھی نماز عید ادا کی۔

پی پی رہنما خورشید شاہ نے مسلم امہ کو عید کی مبارکباد پیش کی اور ملک کی حفاظت کی اہمیت پر زور دیا۔

یہ بھی پڑھیں: ملیکا شراوت فرانسیسی بزنس مین سے بریک اپ پر خاموشی توڑ دی

کمیونٹی کی مدد

سپیکر پنجاب اسمبلی ملک محمد احمد خاں نے اپنے آبائی گاؤں میں عید الاضحیٰ کی نماز ادا کی۔ انہوں نے فرمایا کہ عید قربانی کا درس دیتی ہے اور ہمیں مستحق افراد کا خیال رکھنا چاہیئے۔

وزیر اعلیٰ نے فلسطین اور مقبوضہ کشمیر کے مظلوم مسلمانوں کی قربانیوں کی یاد دہانی کرائی اور ملکی استحکام کے لیے اتحاد کی ضرورت پر زور دیا۔

عید الاضحیٰ کا پیغام

گورنر پنجاب سردار سلیم حیدر خان نے اٹک میں نماز الاضحٰی کی ادائیگی کے بعد کہا کہ عید الاضحٰی ایثار کا نام ہے۔ ہمیں غریبوں کا خاص خیال رکھنا چاہیئے اور دعا ہے کہ ملک میں امن اور خوشحالی آئے۔