پاکستان سوشل سینٹر شارجہ کی ایجوکیشن کمیٹی کے زیر اہتمام ٹریننگ ورکشاپ کا انعقاد

تعلیمی سیمینار کا انعقاد

دبئی (طاہر منیر طاہر) پاکستان سوشل سینٹر شارجہ کی ایجوکیشن اینڈ کمیٹی وقتا فوقتا تعلیمی و آگاہی کے سیمینار اور ٹریننگ ورکشاپ کا انعقاد کرتی رہتی ہے۔

یہ بھی پڑھیں: سعودی حکومت پر تنقید: معروف ایرانی عالم غلام رضا قاسمیان گرفتار

سیمینار کی تفصیلات

اسی سلسلے میں پاکستان سوشل سینٹر شارجہ کے صدر چوہدری خالد حسین کی سرپرستی میں سینٹر کے ڈائریکٹر اور سیکریٹری فراز احمد صدیقی نے ایک معلوماتی سیمینار کا انعقاد کیا- جس کے شرکا کی اکثریت اکاؤنٹنٹ اور کاروباری افراد کی تھی۔

یہ بھی پڑھیں: بنگلہ دیش کو ۲۰۲۶ کے لیے اقوام متحدہ کے پیس بلڈنگ کمیشن کا نائب صدر منتخب کر لیا گیا

نظامت اور آغاز

اس پروگرام کی نظامت سی ایم اے یواےای برانچ کونسل کے سابق چیئرمین قمر ملک نے کی۔ ایونٹ کا آغاز تلاوت قرآن پاک سے ہوا جس کی سعادت آئی سی ایم اے محمد اکرام نے حاصل کی۔

یہ بھی پڑھیں: پیپلزپارٹی کا یوم تاسیس: صدر مملکت کا پارٹی کے بانی رہنماؤں کو خراجِ عقیدت

ماہرین کی گفتگو

پروگرام میں معروف ٹرینر دھاول پاریکر اور کینیڈا میں مقیم معروف ٹرینر وقار خان نے شرکا کو جدید ٹیکنالوجی بالخصوص AI یا مصنوعی ذہانت کے فروغ میں اس کے درست فوائد اور استعمال کے بارے میں آگاہ کیا۔

یہ بھی پڑھیں: پاکستان تحریک انصاف کے 43 کارکنوں کی ضمانت منظور

شرکاء کے تاثرات

شرکا کی اکثریت نے اس طرز کے پروگرام کے انعقاد پر پاکستان سوشل سینٹر شارجہ کی انتظامیہ کا شکریہ ادا کیا۔ پروگرام کے اختتام پر سینٹر کے ڈائریکٹر اور سیکریٹری فراز احمد صدیقی نے اختتامی کلمات میں شرکا کا شکریہ ادا کیا اور آئندہ بھی اس طرح کی تربیتی نشستوں کے انعقاد کا وعدہ کیا۔

تحائف کی پیشکش

تقریب کے اختتام پر دونوں ماہرین دھاول پاریکر اور وقار خان کو تحائف پیش کیے گئے اور آئی سی ایم اے کے سابق عہدیداران کی جانب سے پاکستان سوشل سینٹر کے ڈائریکٹر فراز احمد صدیقی کو بھی تحفہ پیش کیا گیا۔