پاکستانی جرنیلوں نے کبھی نیشنل سیکیورٹی پر سمجھوتہ نہیں کیا، بھارتی تجزیہ کار پراوین سوامی

بھارتی دفاعی تجزیہ کار کا بیان

نئی دہلی( ڈیلی پاکستان آن لائن) معروف بھارتی دفاعی تجزیہ کار پراوین سوامی کہتے ہیں کہ کہا جارہا ہے عاصم منیر نے ٹرمپ کیساتھ کھانا کھایا، امریکہ کو بہت کچھ دیا لیکن ایک بات ذہن میں رکھنی چاہیے کہ پاکستانی جرنیلوں نے کبھی نیشنل سیکیورٹی پر سمجھوتہ نہیں کیا۔

یہ بھی پڑھیں: اللہ ہی جانتا ہے کون نیک ہے کون بد، کون اچھا ہے کون برا،ہمارے بس میں انسان کی خدمت ہے، اپنی استطاعت کے مطابق اللہ کے بندے کا خیال کریں

جنرل عاصم منیر کا کردار

ایک پروگرام میں گفتگو کرتے ہوئے پراوین کا کہنا تھا کہ فیلڈ مارشل جنرل عاصم منیر کے امریکی صدر ڈونلڈ ٹرمپ کے ساتھ ظہرانے پر ہر طرف چہ میگوئیاں ہو رہی ہیں کہ جنرل عاصم منیر نے امریکیوں کو بہت کچھ دے دیا وغیرہ وغیرہ۔ ایک بات اپنے ذہن میں رکھیں کہ پاکستانی جرنیلوں نے کبھی بھی اپنی قومی سلامتی کو داؤ پر نہیں لگایا۔ جب نائن الیون ہوا تو جنرل مشرف نے انتہائی سمجھداری کا مظاہرہ کرتے ہوئے امریکہ کا ساتھ تو دیا مگر انہوں نے ڈبل گیم کی اور اپنی قومی سلامتی پر بھی کوئی سمجھوتہ نہ کیا۔

یہ بھی پڑھیں: چاند پر خلابازوں کے فضلے کا کیا کیا جائے؟NASA نے حل بتانے والے کیلئے بھاری رقم کی پیشکش کردی

امریکی ایئر بیسز کی باتیں

اس بات پر یقین کرنے کی کوئی وجہ ہی نہیں ہے کہ جنرل عاصم منیر سلامتی پر کوئی سمجھوتہ کریں گے۔ اب یہ جو ایئر بیسز امریکہ کو دینے کی باتیں ہو رہی ہیں ایسا کچھ نہیں ہونے والا، وہ ایسا ہرگز نہیں کریں گے۔ پاکستانیوں کے لیے سب سے بڑا خطرہ انڈیا ہے مگر اس کا آہنی بھائی چین ہے۔ میں سمجھتا ہوں کہ جنرل عاصم منیر اور امریکی صدر کے درمیان جو بھی بات ہوئی ہو گی وہ چین کی اعلیٰ قیادت سے ضرور اس پر تبادلہ خیال کریں گے۔

بھارتی خارجہ پالیسی کا تجزیہ

انہوں نے امریکہ کے ایران و اسرائیل جنگ میں کودنے پر انڈیا کی پوزیشن پر بات کرتے ہوئے کہا کہ بھارت کی خارجہ پالیسی بکھری ہوئی ہے۔ انٹرنیشنل نارتھ ساوتھ کوریڈور اور انڈیا مڈل ایسٹ یورپ کوریڈور بند ہو چکے ہیں۔ ہم نے بجائے ایران اور فلسطین کے اسرائیل اور امریکہ کے ساتھ تعلقات قائم کیے جس پر ہمارے ان ممالک سے تعلقات متاثر ہوئے۔ اب ایران کے لیے بھارت ترجیح نہیں رہا۔ دنیا کا جنوبی حصہ اب بھارت کی طرف نہیں دیکھ رہا۔ بھارتی خارجہ پالیسی تباہ ہو چکی ہے کیونکہ بھارت نے اپنے قومی مفادات اور قومی سلامتی کا خیال نہیں رکھا۔