کن ممالک میں امریکی اڈوں کو نشانہ بنایا گیا ؟ ایرانی حکام کا بیان آ گیا

ایرانی میزائل حملے کی تصدیق

تہران (مانیٹرنگ ڈیسک) ایرانی حکام نے تصدیق کی ہے کہ ایک میزائل قطر میں امریکی اڈے پر داغا گیا جبکہ دوسرا عراق میں ایک اور امریکی اڈے کو نشانہ بنایا گیا۔ ان حملوں کو ایران کی براہِ راست جوابی کارروائی قرار دیا جا رہا ہے۔

یہ بھی پڑھیں: بحری سفر کے شوقین سیاح بالائی مصر اور ابو سمبل کے یادگاری مجسمے دیکھنے کیلئے اسی راستے کو اپناتے ہیں اور دلکش نظاروں سے محظوظ ہوتے ہیں

ہائی الرٹ کی صورتحال

’’جنگ‘‘ کے مطابق خبر ایجنسی نے بتایا کہ عراق میں امریکی ایئر بیس عین الاسد کا فضائی دفاعی نظام فعال کردیا گیا۔ عین الاسد بیس پر ہائی الرٹ کر دیا گیا، اور عملے کو بنکرز میں جانے کی ہدایت کر دی گئی۔

یہ بھی پڑھیں: پاکستان کی بھارت کے خلاف جوابی کارروائی کے بعد امریکا متحرک ہوا: اسحاق ڈار

وائٹ ہاؤس کا ردعمل

وائٹ ہاؤس حکام کا کہنا ہے کہ قطر میں امریکی ایئر بیس پر حملے کی اطلاعات سے آگاہ ہیں۔ وائٹ ہاؤس اور امریکی محکمہ دفاع صورتحال کا جائزہ لے رہا ہے۔

اسٹریٹیجک امریکی تنصیبات

خیال رہے کہ قطر میں العدید ایئر بیس اور عراق میں مختلف امریکی تنصیبات خطے میں امریکہ کی فوجی موجودگی کے مرکزی مراکز ہیں۔ حملوں کے بعد ممکنہ نقصانات یا جانی نقصان کے حوالے سے تاحال کوئی باضابطہ اطلاع سامنے نہیں آئی ہے.