کراچی: 8 لڑکیوں کی 60 سالہ ماں کو تشدد کرکے قتل کر دیا گیا، لاش برآمد

کراچی میں ایک افسوسناک واقعہ

کراچی (ڈیلی پاکستان آن لائن) شہر قائد میں 8 لڑکیوں کی 60 سالہ ماں کو تشدد کرکے قتل کر دیا گیا جس کی لاش جھاڑیوں سے مل گئی۔

یہ بھی پڑھیں: 17 سالہ فٹبالر لامین یامل نے ایئر ہوسٹس کے ساتھ تعلقات کی خبروں پر خاموشی توڑ دی

واقعے کی تفصیلات

نجی ٹی وی دنیانیوز کے مطابق شاہ لطیف ٹاؤن کے علاقے سیکٹر اے 21 میں جھاڑیوں سے بوڑھی خاتون کی تشدد زدہ لاش برآمد ہوئی جسے پولیس نے ضابطے کی کارروائی کیلئے ہسپتال منتقل کیا اور پھر اسے مردہ خانے منتقل کردیا گیا۔

پولیس کی تحقیقات

پولیس کے مطابق فوری طور پر خاتون کے ناظم آباد سے لاپتہ ہوجانے اور لاش شاہ لطیف سے ملنے کے حوالے سے تعین نہیں ہو سکا تاہم پولیس نے ضابطے کی کارروائی کے بعد لاش ورثا کے حوالے کر دی جبکہ اس حوالے سے مزید تفتیش کا عمل جاری ہے۔