پاکستان کی کرپٹو سفارتکاری اور امریکی صدر کیلئے نوبل انعام کی حمایت ٹیرف سے بچنے کی حکمت عملی کا حصہ، فنانشل ٹائمز کا دعویٰ
پاکستان کی بٹ کوائن مائننگ میں دلچسپی
لاہور (ڈیلی پاکستان آن لائن) فنانشل ٹائمز نے اپنے آرٹیکل میں دعویٰ کیاہے کہ پاکستان خود کو بٹ کوائن مائننگ کا مرکز، قیمتی معدنیات کا ماخذ اور سابق امریکی صدر ڈونلڈ ٹرمپ کے لیے نوبل امن انعام کی حمایت فراہم کرنے والے ملک کے طور پر پیش کر رہا ہے، تاکہ معاشی دباؤ سے نکل کر امریکی تجارتی محصولات سے بچ سکے اور واشنگٹن سے قریبی تعلقات قائم کر سکے۔
یہ بھی پڑھیں: 190 ملین پاؤنڈز کیس؛ بشریٰ بی بی پیش ہوئیں نہ ملزمان نے جوابات جمع کرائے، سماعت ملتوی
تجارتی معاہدے کی کوششیں
رپورٹ کے مطابق پاکستان کی وزارت خزانہ ملک کے سب سے بڑے برآمدی پارٹنر، امریکہ کے ساتھ تجارتی معاہدے کو حاصل کرنے کے لیے جدوجہد کر رہی ہے اور ٹیرف کو روکنے کی امید رکھتی ہے، جو 9 جولائی کو 29 فیصد تک جا سکتا ہے۔
یہ بھی پڑھیں: جب سکھ رہنما حسن ابدال ریلوے اسٹیشن کی پٹری پر لیٹ گئے
مذاکراتی ٹیم کی تشکیل
پاکستان کی مذاکراتی ٹیم، جس میں کرپٹو وزیر بلال بن ثاقب بھی شامل ہیں، پیر کو امریکی تجارتی نمائندے جیمیسن گریئر سے ملاقات کے لیے واشنگٹن پہنچی۔ پاکستانی حکام کا کہنا ہے کہ معاہدے میں امریکی کپاس اور سویا بین کی خریداری، اور معدنیات کے شعبے میں "اسٹریٹجک و انویسٹمنٹ شراکت" شامل ہو سکتی ہے۔
یہ بھی پڑھیں: ورلڈ بینک کے وفد کا پی ڈی ایم اے پنجاب آفس کا دورہ ، اہم امور پر تفصیلی بریفنگ
کرپٹو کی ترقی میں یقین
بلال بن صاقب نے فنانشل ٹائمز کو بتایا ’’پاکستان کی کرپٹو سفارت کاری نے ہمیں عالمی جدت کے نظام میں صرف فائدہ اٹھانے والا نہیں بلکہ ایک معمار کے طور پر دوبارہ متعارف کروایا ہے‘‘۔
یہ بھی پڑھیں: ثنا یوسف قتل کیس،ملزم عدالت پیش ، تفتیشی افسر کی استدعا پر فیصلہ سنا دیا گیا
وائٹ ہاؤس کا دورہ
انہوں نے بعد ازاں وائٹ ہاؤس کا دورہ کیا، نیویارک میں امریکی وزیر تجارت کے بیٹے برینڈن لٹ نک سے ملاقات کی، اور کرپٹو پلیٹ فارم ٹرون کے بانی جسٹن سن کو پاکستان آنے کی دعوت دی۔
یہ بھی پڑھیں: ورلڈ ٹریڈ سینٹر دبئی میں گلفوڈ مینوفیکچرنگ 2024 کے 10ویں ایڈیشن میں پاکستان کی بھر پور شرکت
ٹرمپ کے ساتھ تعلقات
مئی میں لاس ویگاس میں ایک تقریب کے دوران پاکستان کے کرپٹو وزیر بلال بن صاقب نے کہا کہ وہ ٹرمپ کو کرپٹو کو بچانے والے صدر کے طور پر تسلیم کرتے ہیں۔
یہ بھی پڑھیں: جناح ہاؤس حملہ کیس،زین قریشی کی حاضری سے استثنیٰ کی درخواست دائر
مفاوضاتی وفد کا حصہ
دوسری جانب امریکہ کے ساتھ ٹریڈ ڈیل پر مذاکرات کیلئے پاکستان کے وفد میں شامل بلال بن ثاقب پاکستان کی واحد نوجوان شخصیت ہیں جنہیں یہ اعزاز حاصل ہواہے، وفد کا حصہ بننے پر بلال بن ثاقب نے اپنے خیالات کا اظہار کرتے ہوئے کہا کہ ’’پاکستان اور امریکہ کے درمیان جاری ٹیرف مذاکرات میں پاکستان کی نمائندگی کرنے والے وفد کا حصہ بننا میرے لیے باعثِ فخر ہے‘‘۔
یہ بھی پڑھیں: حسن زاہد سے صلح کے لیے کتنی رقم لی؟ صحافی کے سوال پر سامعہ حجاب کا جواب آ گیا
مستقبل کے حوالے سے اعتماد
بلال بن ثاقب پاکستان کے کرپٹو میں روشن مستقبل کیلئے پرُ اعتماد ہیں اور انہیں وزیراعظم کا اعتماد بھی حاصل ہے۔
یہ بھی پڑھیں: پنجاب اسمبلی کا ایک سال کا بجلی کا بل 15 کروڑ روپے
امریکہ کی دلچسپی اور پاکستان کا موقع
ایشیا پیسیفک فاؤنڈیشن آف کینیڈا کے سینئر فیلو مائیکل کگل مین کے مطابق پاکستان نے امریکا کی کرپٹو اور معدنیات میں دلچسپی کو اپنی پیشکش میں شامل کر کے ٹرمپ انتظامیہ کی توجہ حاصل کی ہے۔ امریکہ، جو پاکستان سے برآمدات کا پانچواں حصہ خریدتا ہے، پاکستانی ملبوسات کا بڑا خریدار ہے۔
یہ بھی پڑھیں: بھارتی پنجاب کے علاقے فیروز پور میں بلیک آوٹ ریہرسل، ہوٹر بھی بجائے گئے
تجارتی معاہدے کا ممکنہ اثر
کگل مین کے مطابق چاہے معاہدہ ہو یا نہ ہو، پاکستان کی کرپٹو اور مائننگ پیشکش نے اسے "ٹرمپ کے واشنگٹن میں جگہ بنانے، توجہ حاصل کرنے اور مستقبل میں مذاکرات کے لیے راستے کھولنے کا موقع دیا ہے۔
یہ بھی پڑھیں: وی پی این پر پابندی کیخلاف درخواست پر سیکرٹری داخلہ اور پی ٹی اے کو نوٹس جاری
آخری ملاقاتیں اور تجاویز
فنانشل ٹائمز کے مطابق گزشتہ ماہ، آرمی چیف جنرل عاصم منیر نے ٹرمپ سے ملاقات میں بٹ کوائن مائننگ اور قیمتی معدنیات پر گفتگو کی، ذرائع کے مطابق، اس ملاقات میں فیلڈ مارشل کو میگا کیپ اور وائٹ ہاؤس کی علامتی چابی پیش کی گئی۔
نئی سرمایہ کاری کے امکانات
حکام کا کہنا ہے کہ کرپٹو اور مائننگ منصوبے پاکستان کو نئی سرمایہ کاری، نوجوانوں کے لیے روزگار، اور قرضوں سے نجات کی راہ پر ڈال سکتے ہیں۔ پاکستان نے اعلان کیا ہے کہ وہ ٹرمپ کی طرز پر "اسٹریٹجک بٹ کوائن ریزرو" قائم کرے گا اور 2000 میگا واٹ بجلی کرپٹو مائننگ کے لیے مختص کرے گا۔
