ٹیکساس میں شدید سیلاب، صدر ٹرمپ نے کری کاؤنٹی کے لیے آفت زدہ کا اعلان کر دیا

امریکی صدر کا قدرتی آفت کا اعلان

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے اتوار کے روز ریاست ٹیکساس کے ضلع کری کاؤنٹی میں شدید بارشوں اور تباہ کن سیلاب کے بعد ایک بڑے قدرتی آفت زدہ کے اعلان پر دستخط کر دیے ہیں۔ اس اعلان کے تحت وفاقی امدادی وسائل فوری طور پر متاثرہ علاقے میں بھیجے جائیں گے تاکہ ریسکیو ادارے اپنی کارروائیاں مؤثر انداز میں جاری رکھ سکیں۔

سیلاب کی تباہی اور نقصانات

خبر ایجنسی روئٹرز کے مطابق کری کاؤنٹی میں حالیہ دنوں ہونے والی طوفانی بارشوں کے نتیجے میں آنے والے سیلاب میں کم از کم 59 افراد ہلاک ہو چکے ہیں جبکہ درجنوں تاحال لاپتہ ہیں۔ صدر ٹرمپ نے اس سانحے پر افسوس کا اظہار کرتے ہوئے سوشل میڈیا پر کہا: "یہ خاندان ایک ناقابل تصور المیے سے گزر رہے ہیں، بہت سی قیمتی جانیں ضائع ہو چکی ہیں اور کئی لوگ اب بھی لاپتہ ہیں۔ ہمارے دل ان کے ساتھ ہیں، اور ہم فوری طور پر اپنے بہادر ریسکیو اہلکاروں کو درکار وسائل فراہم کر رہے ہیں۔"