شہر قائد میں ادویات کی قلت، بڑے پیمانے پر کریک ڈاؤن کا فیصلہ

ڈرگ ریگولیٹری اتھارٹی سندھ کا انتباہ

کراچی (ڈیلی پاکستان آن لائن) ڈرگ ریگولیٹری اتھارٹی سندھ نے واضح کیا ہے کہ انسانی صحت اور جان سے کھیلنے کی قطعاً اجازت نہیں دی جائے گی۔ شہر میں جان بچانے والی ادویات کی قلت ایک سنگین مسئلہ بنتا جا رہا ہے، جس پر ڈرگ انسپکٹرز نے فورا مانیٹرنگ شروع کردی ہے۔

یہ بھی پڑھیں: وہ 10 لوگ جنہیں 2024 میں گوگل پر سب سے زیادہ سرچ کیا گیا

ڈاکٹر عبید علی کی گفتگو

ڈرگ ریگولیٹری اتھارٹی آف پاکستان سندھ آپریشن کے سربراہ ڈاکٹر عبید علی نے ایک نجی ٹی وی چینل سے بات چیت کرتے ہوئے کہا کہ مارکیٹ میں تمام رجسٹرڈ ادویات کی بلا تعطل فراہمی کو یقینی بنایا جائے گا۔ ان کا کہنا ہے کہ ادویات کی مصنوعی قلت پیدا کرنے والوں کے خلاف سخت کارروائی کی جائے گی۔

نوٹیفیکشن اور درخواستیں

ڈرگ ریگولیٹری اتھارٹی آف پاکستان نے ایک نوٹیفیکیشن جاری کیا ہے، جس میں مینوفیکچررز اور امپورٹرز سے درخواست کی گئی ہے کہ وہ اپنی سپلائی چین کا جائزہ لیں اور یہ یقینی بنائیں کہ تمام رجسٹرڈ ادویات بروقت اور مسلسل دستیاب ہوں۔