یوٹیوب شارٹس کا دورانیہ بڑھانے کا فیصلہ

ٹک ٹاک کی مقبولیت کا اثر

واشنگٹن(ڈیلی پاکستان آن لائن) ٹک ٹاک کی مقبولیت نے دیگر ٹیکنالوجی کمپنیوں کو بھی خود کو بدلنے پر مجبور کردیا اور ان کی جانب سے مختصر ویڈیوز کو زیادہ ترجیح دی جارہی ہے۔

یہ بھی پڑھیں: پنجاب میں گرمی کا نیا ریکارڈ؛ عید کے تیسرے دن صبح صبح ہی سورج سوا نیزے پر آگیا، شہری بے حال

یوٹیوب کا نیا فیچر: شارٹس

درحقیقت ٹک ٹاک کی مقبولیت نے یوٹیوب کو مختصر ویڈیوز پر مبنی فیچر شارٹس متعارف کرانے پر مجبور کیا جس میں صارف ایک منٹ طویل ویڈیوز پوسٹ کرسکتے ہیں۔ مگر اب یوٹیوب شارٹس کے دورانیے کو کچھ بڑھایا جا رہا ہے۔

یہ بھی پڑھیں: مظفرآباد کی وادی جہلم میں اسکول وین کو حادثہ، ڈرائیور اور 25 سے زائد بچے زخمی

ویڈیوز کا دورانیہ بڑھتا ہوا

15 اکتوبر سے گوگل کے اس پلیٹ فارم میں ویڈیوز کا دورانیہ ایک منٹ سے بڑھا کر 3 منٹ کیا جا رہا ہے۔

یہ بھی پڑھیں: گوجرانوالہ میں باپ نے دو بیٹیوں کو قتل کردیا

ٹک ٹاک کے مقابلے میں

ٹک ٹاک میں کافی عرصے سے 10 منٹ طویل ویڈیوز کرنے کا آپشن صارفین کو دستیاب ہے جبکہ کمپنی کی جانب سے اسے 30 منٹ تک بڑھانے کے لیے کام کیا جا رہا ہے۔ اب لگتا ہے کہ گوگل کی جانب سے اس میدان میں بھی ٹک ٹاک کو ٹکر دینے کی کوشش کی جا رہی ہے۔

یہ بھی پڑھیں: صدر ٹرمپ اور پیوٹن کی ملاقات کا کوئی فوری امکان نہیں، وائٹ ہاؤس کا اعلان

صارفین کی طلب

کمپنی کی جانب سے جاری بیان میں کہا گیا کہ اس فیچر کا مطالبہ صارفین کی جانب سے سب سے زیادہ کیا جا رہا تھا جس کے باعث شارٹس کے دورانیے کو بڑھایا جا رہا ہے۔

یہ بھی پڑھیں: کاروباری حالات وینٹی لیٹر پر ہیں ، حکومت پابندیوں کی بجائے ماحول دوست گاڑیوں کو پروموٹ کرے: کار ڈیلر ایسوی ایشن کا مطالبہ

نئے فیچرز کا اعلان

شارٹس کے دورانیے میں اضافے کے ساتھ ساتھ یوٹیوب کی جانب سے چند فیچرز کا اعلان بھی کیا گیا۔ ان میں سے ایک فیچر شارٹس فیڈ میں کمنٹس کے پریویو کا ہے۔

یہ بھی پڑھیں: ماہرہ شرما ایوارڈ شو کے دوران سٹیج کی سیڑھیاں چڑھتے ہوئے گر گئیں

ری مکس کلپس کا فیچر

اس کے ساتھ ساتھ کمپنی کی جانب سے ٹیمپلیٹس نامی فیچر پر بھی کام کیا جا رہا ہے جس کے ذریعے صارفین شارٹس کیمرے کے ذریعے یوٹیوب پر موجود کلپس کو اپنی ویڈیوز کا حصہ بنا کر ری مکس کلپس بناسکیں گے۔

شارٹس کے کم کرنے کا ٹول

اگر آپ کو شارٹس پسند نہیں تو اب اس کے لیے بھی ایک ٹول متعارف کرایا جارہا ہے۔ اس ٹول کے ذریعے کمپنی کی جانب سے آپ کو کم از کم شارٹس دیکھنے کا آپشن دیا جائے گا۔ اس ٹول تک رسائی یوٹیوب ایپ سیٹنگز کے ذریعے ممکن ہوگی۔