پنجاب اسمبلی کے اسپیکر نے معطل 26 ارکان کے خلاف مزید کارروائیاں روک دیں

پنجاب اسمبلی کی صورتحال

لاہور (ڈیلی پاکستان آن لائن) پنجاب اسمبلی میں معطل اپوزیشن ارکان کے خلاف مزید کارروائیاں مذاکرات کا نتیجہ آنے تک روک دی گئیں۔

یہ بھی پڑھیں: 20 سال گزر گئے کے فور منصوبہ کیوں مکمل نہیں ہوا۔۔۔؟ حافظ نعیم الرحمان نے سوال اٹھا دیا

مذاکرات کا اثر

حکومتی ذرائع کے مطابق حکومتی اتحاد اور اپوزیشن کے مذاکرات نتیجہ خیز ہونے تک سپیکر نے مزید کارروائیاں نہ کرنے کی ہدایت کردی ہے۔

یہ بھی پڑھیں: شام کے سیاسی عمل کی منتقلی کی مکمل حمایت کرتے ہیں،امریکی وزیر خارجہ

جرمانے کی روکنے کی اطلاعات

دنیا ٹی وی کے مطابق ذرائع نے بتایا کہ 10 معطل ارکان سے توڑ پھوڑ کرنے پر جرمانہ وصولی روک دی گئی ہے، معطل 10 ارکان کو جرمانوں کا دوسرا نوٹس بھی جاری نہ ہوسکا، تنخواہوں سے جرمانے کی رقم کاٹنے کا عمل بھی روک دیا گیا، معطل ارکان پر ایوان میں توڑ پھوڑ کے الزام میں 20 لاکھ سے زائد کا جرمانہ عائد کیا گیا تھا۔

یہ بھی پڑھیں: انسداد دہشتگردی عدالت نے شیرپاؤ پل پر تقاریر اور جلاؤ گھیراؤ کیس کا فیصلہ محفوظ کرلیا

مزید کارروائیاں روکی گئیں

بتایا گیا ہے کہ اپوزیشن کے مزید 9 چیئرمین تحریک عدم اعتماد کے ذریعے عہدوں سے ہٹانے کی تحریک بھی روک دی گئی، حکومتی ارکان کی تحریک عدم اعتماد کے ذریعے اپوزیشن کے 4 چیئرمین عہدوں سے پہلے ہٹائے جا چکے ہیں۔