راولپنڈی میں طوفانی بارش، گاڑی پانی میں بہہ گئی، ویڈیو وائرل

راولپنڈی میں طوفانی بارش

راولپنڈی(ڈیلی پاکستان آن لائن)میں طوفانی بارش کے باعث گاڑی پانی میں بہہ گئی، جس کی ویڈیو وائرل ہو گئی۔

یہ بھی پڑھیں: آرمی چیف سے سعودی وزیر سرمایہ کاری کی ملاقات، باہمی دلچسپی کے امور پر تبادلہ خیال

بارش کے اثرات

نجی ٹی وی چینل دنیا نیوز کے مطابق جڑواں شہروں میں بارش کا سلسلہ جاری ہے، ای الیون فلائی اوور کی ایک سائیڈ کے روڈ پر دراڑیں پڑ گئیں، جبکہ چکری روڈ لادیاں گاؤں زیرآب آ گیا، جہاں امدادی کاموں کیلئے کشتیاں پہنچا دی گئیں۔

یہ بھی پڑھیں: چیمپئنز ٹرافی؛ آئی سی سی نے انڈین کرکٹ بورڈ سے پاکستان نہ آنے کی تحریری وجوہات مانگ لیں

دیگر متاثرہ علاقے

دوسری جانب اڈیالہ جیل کے قریب گورکھ پور پر دریائے سوان بپھر گیا، رنگ روڈ کے قریب خصالہ گاؤں میں پانی سکول میں داخل ہو گیا۔ محلہ راجپوتاں سہام میں گاڑی پانی میں بہہ گئی، خیابان سرسید میں نالہ لئی کے قریب علاقے ڈوب گئے، متعدد مقامات پر 5 فٹ تک پانی جمع ہے اور بجلی کا نظام درہم برہم ہو گیا۔