اسلام آباد میں سیلابی ریلے میں گاڑی سمیت بہہ جانے والے کرنل ریٹائرڈ اسحاق قاضی کی لاش مل گئی، بیٹی کی تلاش جاری

اسلام آباد (ڈیلی پاکستان آن لائن) کی نجی ہاؤسنگ سوسائٹی میں آنے والے سیلابی ریلے میں گاڑی سمیت بہہ جانے والے کرنل ریٹائرڈ اسحاق قاضی کی لاش مل گئی ہے، جبکہ ان کی بیٹی کی تلاش تیسرے روز بھی جاری ہے۔

یہ بھی پڑھیں: مسلمان سیاستدانوں نے بنگال میں تعلیم کیلئے بہت محنت کی مگر اُنکی اپنی زبان کو معدوم کر دیا گیا، قیام پاکستان کی وجہ سے پنجابی گورمکھی بننے سے بچ گئی

واقعہ کی تفصیلات

وفاقی دارالحکومت میں شدید بارش کے باعث پاک فوج کے ریٹائرڈ کرنل اسحاق اپنی بیٹی کے ہمراہ گھر سے نکلے، جب ان کی گاڑی خراب ہو گئی۔ اس دوران پانی کا ریلہ آ گیا جس کے نتیجے میں دونوں باپ بیٹی گاڑی سمیت پانی میں بہہ گئے۔

یہ بھی پڑھیں: امریکہ میں مریض کا غلط علاج کرنے پر ہسپتال کو 114 ارب روپے کا جرمانہ

تلاش کا عمل

گزشتہ دو روز سے گاڑی سمیت لاپتہ ہونے والے باپ اور بیٹی کی تلاش کا کام جاری تھا۔ گزشتہ روز نجی ہاؤسنگ سوسائٹی کے برساتی نالے میں سرچ آپریشن مکمل کر لیا گیا تھا، جس کے بعد اب دریائے سواں کے داخلی و خارجی راستوں پر تلاش کا عمل جاری ہے۔

ریسکیو ٹیموں کو پچھلے روز گاڑی کا بمپر اور سائیڈ مرر ملے تھے، تاہم گاڑی کا کچھ پتہ نہیں چل سکا۔

آگے کی امیدیں

ریسکیو حکام کی جانب سے امید ظاہر کی جا رہی ہے کہ بارش رکنے کے بعد پانی کی سطح کم ہونے سے آج دریائے سواں میں سرچ آپریشن مکمل کر لیا جائے گا۔ اس دوران ریسکیو ٹیموں کو دریا سے بہہ جانے والے کرنل ریٹائرڈ اسحاق کی لاش مل گئی ہے، جبکہ بیٹی کی تلاش کا کام جاری ہے۔