صدر مملکت آصف علی زرداری سے سعودی سفیر نواف بن سعید المالکی کی اہم ملاقات

اسلام آباد ( ڈیلی پاکستان آن لائن ) صدر مملکت آصف علی زرداری نے پاکستا ن میں متعین سعودی سفیر نواف بن سعید المالکی سے ایک اہم ملاقات کی۔ اس ملاقات میں دوطرفہ تعلقات کے فروغ، تجارت، معیشت و ثقافت پر تبادلۂ خیال کیا گیا۔ صدر مملکت سے سعودی سفیر کی اس ملاقات میں وزیر داخلہ محسن نقوی بھی موجود تھے۔

''جنگ'' کے مطابق، صدر نے اس موقع پر کہا کہ پاک سعودی تعلقات مشترکہ عقیدے اور باہمی اعتماد پر مبنی ہیں۔ انہوں نے کہا کہ دوطرفہ تعاون کو مزید وسعت دینا دونوں ممالک کے لئے مفید ہے۔ پاکستان اور سعودی عرب عالمی امور پر یکساں مؤقف رکھتے ہیں اور انہوں نے مشکل وقت میں سعودی عرب کی معاونت پر شکرگزار ہونے کا اظہار کیا۔

انھوں نے شاہ سلمان بن عبدالعزیز اور ولی عہد شہزادہ محمد بن سلمان کے لیے نیک تمناؤں کا پیغام بھی بھیجا۔