5 اگست کو بڑے احتجاج یا جلسے کی اجازت نہ ملنے پر پی ٹی آئی نے پلان بی تیار کر لیا

پی ٹی آئی کا احتجاجی منصوبہ

لاہور (ڈیلی پاکستان آن لائن) 5 اگست کو بڑے احتجاج یا جلسے کی اجازت نہ ملنے کی صورت میں پی ٹی آئی کی جانب سے پلان بی کے تحت حلقوں میں احتجاج کی منصوبہ بندی کی جا رہی ہے۔

یہ بھی پڑھیں: دہشتگردوں کے خلاف آئی ایس آئی اور بھارتی خفیہ ایجنسی را مل کر کام کرے، بلاول بھٹو کی تجویز

احتجاج کا طریقہ کار

ذرائع پی ٹی آئی کے مطابق تحریک انصاف 5 اگست کو پنجاب کے ہر حلقے میں احتجاج کرے گی اور تمام حلقوں میں احتجاج کی فوٹیج قیادت کو بھیجی جائے گی۔ بعد ازاں، بڑے شہروں میں احتجاج کی کال دی جائے گی۔ احتجاجی تحریک کے حوالے سے ڈویژنل تنظیم اور ٹکٹ ہولڈرز کو ہدایت جاری کر دی گئیں۔

یہ بھی پڑھیں: اوورسیز پاکستانیوں نے تاریخی مالیت کی ترسیلات وطن بھیج کر ریکارڈ قائم کر دیا

تنظیم سازی اور رپورٹنگ

یوسی سطح پر تنظیم سازی مکمل کرنے کی ہدایت بھی جاری کی گئی ہے تاکہ قیادت کو بعد میں رپورٹ دی جا سکے۔

عہدیداروں کے خلاف کارروائی

ذرائع کے مطابق احتجاج نہ کرنے والے عہدیداروں کے خلاف باقاعدہ کارروائی کی جائے گی۔ پنجاب حکومت کی جانب سے مینار پاکستان پر جلسے کی اجازت دیے جانے کا امکان نہیں۔