ایچ آئی وی رپورٹ مثبت آنے پر بہن نے بھائی کو گلا گھونٹ کر قتل کر دیا

بھارتی ریاست کرناٹک میں خوفناک قتل

نئی دہلی (ڈیلی پاکستان آن لائن) بھارتی ریاست کرناٹک کے ضلع چترادرگہ میں خاندانی عزت کے نام پر بہن اور بہنوئی نے ایچ آئی وی سے متاثرہ نوجوان ملیکارجن کو گلا گھونٹ کر قتل کر دیا۔

یہ بھی پڑھیں: پی آئی اے کے زیر اہتمام لندن میں شاندار میٹ اینڈ گریٹ، اوورسیز کمیونٹی کی بھرپور شرکت، نادیہ گل اور نوشیروان عادل کو زبردست خراجِ تحسین

ملیکارجن کا پس منظر

پولیس کے مطابق مقتول ملیکارجن بنگلور کی ایک نجی کمپنی میں ملازمت کرتا تھا اور کچھ روز قبل اپنے دوستوں کے ہمراہ گاؤں آ رہا تھا جب ان کی گاڑی ایک ٹرک سے ٹکر گئی۔ زخمی ہونے پر پسپتال میں معائنے کے دوران ملیکارجن کے ایچ آئی وی پازیٹو ہونے کا انکشاف ہوا۔

یہ بھی پڑھیں: جناح ہاؤس حملہ کیس میں پی ٹی آئی کے 254 رہنماؤں اور کارکنوں پر فرد جرم عائد

خاندان کا فیصلہ

ملیکارجن کی بہن نیشا اور اس کے شوہر منجوناتھ نے خود کو اسے علاج کے لیے بنگلور لے جانے کا ذمہ دار ظاہر کیا۔ لیکن راستے میں انہوں نے مبینہ طور پر کمبل سے گلا گھونٹ کر اس کی جان لے لی۔ بعد ازاں انہوں نے دعویٰ کیا کہ وہ راستے میں اچانک فوت ہو گیا۔

تحقیقات اور گرفتاری

جب والد نے بیٹی کی کہانی پر شک کیا تو حقیقت سامنے آئی۔ پولیس نے نیشا کو گرفتار کرلیا ہے جبکہ اس کا شوہر تاحال فرار ہے۔ پولیس کے مطابق قاتل جوڑے کو خدشہ تھا کہ ملیکارجن کا ایچ آئی وی پازیٹو ہونا خاندان کی بدنامی اور سماجی شرمندگی کا باعث بنے گا، اسی لیے انہوں نے اس انتہائی قدم کا انتخاب کیا۔