مودی کی لوک سبھا تقریر، ’’ خفت‘‘ مٹانے کی ناکام کوشش، کب ، کہاں ،کتنے’’جھوٹ‘‘ بولے ۔۔۔سب سامنے آ گیا( ویڈیو بھی دیکھیں )

نریندر مودی کی لوک سبھا تقریر

لاہور (طیبہ بخاری سے) بھارتی وزیر اعظم نریندر مودی کی لوک سبھا تقریر، ’’آپریشن سندور‘‘ کی ’’خفت‘‘ مٹانے کی ناکام کوشش تھی۔ کب، کہاں، کتنے ’’جھوٹ‘‘ بولے، سب سامنے آ گیا۔

یہ بھی پڑھیں: بیوروکریسی میں تقرر و تبادلے

تقریر میں جھوٹ کی بھرمار

یہ بھی پڑھیں: علی امین گنڈاپور کا ڈی چوک مقدمے کیخلاف اسلام آباد ہائیکورٹ سے رجوع

سیکیورٹی ذرائع کی رپورٹ

سیکیورٹی ذرائع کے مطابق، لوک سبھا میں نریندر مودی نے ’’آپریشن سندور‘‘ پر جھوٹ کے انبار لگا دیئے۔ امریکی صدر اور عالمی میڈیا کی بارہا تصدیق کے باوجود مودی ’’آپریشن سندور‘‘ کا حقیقی انجام ماننے سے انکار کرتے رہے۔ انہوں نے کہا کہ ’’دنیا کے کسی بھی رہنما نے بھارت سے آپریشن روکنے کا مطالبہ نہیں کیا۔ 9 مئی کی رات کو امریکی نائب صدر نے مجھ سے 3 سے 4 بار رابطہ کرنے کی کوشش کی۔ انہوں نے خبردار کیا کہ پاکستان کی طرف سے بڑا حملہ ہو سکتا ہے۔ مودی کا جواب تھا کہ اگر پاکستان بھارت پر حملہ کرے گا تو ہمارا جواب اُس سے کہیں بڑا ہو گا، ہم گولی کا جواب توپ سے دیں گے۔"

یہ بھی پڑھیں: وفاقی حکومت کے قرضوں میں ریکارڈ اضافہ، سٹیٹ بینک نے رپورٹ جاری کردی

مودی کے جھوٹے دعوے

نریندر مودی نے دعویٰ کیا کہ ’’9 اور 10 مئی کی درمیانی رات کو ہم نے پاکستان کی طاقت تباہ کر دی۔‘‘ ایک اور جھوٹ یہ بھی بولا کہ ’’آج پاکستان کو اندازہ ہو گیا ہے کہ بھارت کا ہر جواب پہلے سے کہیں زیادہ غیر متوقع ہوتا ہے۔‘‘

انہوں نے مزید کہا، ’’اگر آئندہ ضرورت پیش آئی تو بھارت پاکستان کو جواب دینے کے لیے کسی بھی حد تک جا سکتا ہے۔“ مودی نے گیدڑ بھبکی بھی دی کہ ’’اگر پاکستان نے دوبارہ ایسی غلطی کی تو اسے منہ توڑ جواب دیا جائے گا۔“

یہ بھی پڑھیں: فون کو نیا ڈیزائن دو اور اپنی مرضی کی تبدیلیاں کرو، گوگل کی اینڈرائیڈ صارفین کیلئے اب تک کی سب سے بڑی مفت اپ گریڈ

بھارتی جارحیت کا جواب

سیکیورٹی ذرائع نے کہا کہ ’’بھارتی جارحیت کے جواب میں پاکستان کے ’آپریشن بنیان المرصوص‘ نے مودی کا جنگی جنون زمین بوس کر دیا۔ بھارت کی جانب سے کرنل صوفیہ کا جنگ بندی کا اعلان سب کے سامنے ہے، لوک سبھا میں مودی کے جھوٹے دعوے بے نقاب ہو چکے ہیں۔ بھارتی ونگ کمانڈر ویومیکا سنگھ کا بھی اودھم پور، آدم پور، بھج اور پٹھان کوٹ ایئر بیسز کی تباہی کا اعتراف سب کے سامنے ہے۔’’آپریشن سندور‘‘ میں پاک فوج کی مؤثر جوابی کارروائی نے مودی کو گھٹنے ٹیکنے پر مجبور کر دیا تھا۔

یہ بھی پڑھیں: بیٹی کے ساتھ جو ہوا اس کا حساب اللہ لے گا، حمیرا اصغر کے والد کی میڈیا سے گفتگو

بین الاقوامی میڈیا کی تشخیص

سیکیورٹی ذرائع نے مزید کہا کہ امریکی جریدے واشنگٹن پوسٹ اور نیو یارک ٹائمز کے مطابق، ’’پاکستان نے بھارتی جارحیت کا مؤثر جواب دے کر ان کے جنگی طیارے ان کی ہی حدود میں مار گرائے۔‘‘ بی بی سی کے ریجنل ایڈیٹر اینبرسن اتھر جان نے بھی پاکستان کی دفاعی برتری کا اعتراف کیا۔ انہوں نے کہا کہ ’’بھارت نے اربوں ڈالر کا اسلحہ خریدا مگر پھر بھی ناکامی کا سامنا کرنا پڑا۔‘‘ بین الاقوامی میڈیا ’’سی این این‘‘ کے مطابق، ’’امریکی صدر ڈونلڈ ٹرمپ نے دونوں ممالک کے درمیان جنگ بندی کرائی۔‘‘

امریکی صدر کا 29 سے زائد بار پاک، بھارت کشیدگی روکنے اور خطے کو نیوکلیئر جنگ سے بچانے کا اعتراف سب کے سامنے ہے۔

پاکستان کی سفارتی کامیابی

بین الاقوامی جریدے ’’دی ڈپلومیٹ‘‘ نے بھی پاک، بھارت جنگ میں پاکستان کی سفارتی کامیابی کو تسلیم کیا۔ سیکیورٹی ذرائع نے کہا کہ عالمی سطح پر ہزیمت کے باوجود نریندر مودی کے جنگی جنون نے خطے کے امن کو داؤ پر لگا دیا ہے۔