پاکستان کو عالمی سطح پر پذیرائی ملی اور مودی کے حصے میں سفارتی تنہائی آئی، وزیراعظم شہباز شریف

وزیراعظم شہباز شریف کی گفتگو

اسلام آباد (ڈیلی پاکستان آن لائن) وزیراعظم شہباز شریف کا کہنا ہے اللہ نے افواج پاکستان کو عزت دی۔ پوری دنیا بھارت سے جنگ جیتنے پر آج تک دنگ ہے اور پاکستان کی تعریف کررہی ہے۔ پاکستان کو عالمی سطح پر پذیرائی ملی اور مودی کے حصے میں سفارتی تنہائی آئی۔ پاکستان کو دشمن کے خلاف جنگ جیتنے کی وجہ سے عزت ملی۔ فیلڈ مارشل نے فرنٹ سے لیڈ کیا، ایئرفورس نے کمال کر دکھایا، بھارت کو جس طرح شکست ہوئی آج تک تذکرہ ہو رہا ہے۔

یہ بھی پڑھیں: صدر اور وزیر اعظم کے طیاروں کے لیے 1.8 ارب روپے کی منظوری

کابینہ کے اجلاس میں اہم گفتگو

وفاقی کابینہ کے اجلاس سے خطاب میں وزیراعظم نے کہا پوری قوم نے متحد ہو کر دشمن کے خلاف مقابلہ کیا، بھارت کے خلاف کمال مہارت کے مظاہرے پر دنیا دنگ رہ گئی ہے، مسلح افواج کی پیشہ وارانہ مہارت سے بھارت کے خلاف تاریخی فتح ملی۔

یہ بھی پڑھیں: پی ٹی آئی کے چاہنے والے پاکستان کو تباہ کرنے کا کردار ادا کر رہے ہیں، تجزیہ کار افتخار احمد

نقصانات کا ازالہ

وزیراعظم نے مزید کہا کہ ملک کے مختلف حصوں میں بارشوں سے نقصانات ہوئے جو کہ پہاڑی علاقوں میں زیادہ ہوئے، اس کے ازالے کے لیے اقدامات کیے جائیں۔

یہ بھی پڑھیں: پاک بھارت کشیدگی: پاک بحریہ نے اپنی دفاعی برتری کو مکمل برقرار رکھا:تجزیہ نگار

غزہ میں انسانی المیہ

شہباز شریف کا کہنا تھا کہ غزہ میں جو ظلم و ستم نظر آیا اور کیا گیا ہے وہ آج تک نہیں دیکھا گیا، بچے بھوک سے لاغر ہو چکے ہیں۔ چیئرمین این ڈی ایم اے کو کہہ کر فلسطین غذا بھجوائی ہے جو اردن کے راستے روانہ ہوگی، کنسائمنٹ جلد روانہ ہو جائے گی۔ ریاست فلسطین کو حقوق دلوانے کے لیے پاکستانی حکومت بقیہ تمام ممالک کے ساتھ ہوگی۔

توانائی کے شعبے میں اصلاحات

وزیراعظم کا کہنا تھا کہ توانائی کے شعبے میں انقلابی اقدامات کیے گئے ہیں، وزیر توانائی اور ان کی ٹیم کی کاوشیں لائق تحسین ہیں۔ آئی پی پیز سے بات چیت کے حوصلہ افزا نتائج سامنے آئے ہیں اور اربوں روپے کا فائدہ ہوا۔