صبا قمر کی طبیعت ناساز، ہسپتال منتقل

اداکارہ صبا قمر کی طبیعت بگڑ گئی

راولپنڈی (ڈیلی پاکستان آن لائن) معروف اداکارہ صبا قمر کی شوٹنگ کے دوران اچانک طبیعت بگڑ گئی، جس کے بعد انہیں فوری طور پر قائداعظم انٹرنیشنل اسپتال راولپنڈی منتقل کیا گیا۔

یہ بھی پڑھیں: لاہور ہائیکورٹ کا پنجاب پولیس میں براہ راست بھرتیوں سے متعلق بڑا فیصلہ، سب انسپکٹرز کی بھرتی میں عمر کی رعایت کی درخواستیں خارج کردیں

ایمرجنسی طبی اقدامات

جنگ کے مطابق صبا قمر کو آئی سی یو (انتہائی نگہداشت وارڈ) میں داخل کیا گیا، جہاں ڈاکٹروں نے ایمرجنسی میں متعدد طبی اقدامات کیے، جن میں انجیوگرافی بھی شامل تھی۔ ڈاکٹروں نے تصدیق کی کہ ہسپتال پہنچنے کے وقت اداکارہ کی حالت نہایت تشویشناک تھی اور فوری طبی امداد نہ دی جاتی تو صورتحال جان لیوا ہو سکتی تھی۔ بروقت علاج اور مکمل نگرانی کے بعد ان کی طبیعت سنبھل گئی اور انہیں اسپتال کے وی آئی پی روم میں منتقل کیا گیا۔

یہ بھی پڑھیں: پیپلز پارٹی کے سینئر رہنما آفتاب شعبان میرانی انتقال کرگئے، صدر مملکت آصف علی زرداری کا اظہار تعزیت

ذہنی دباؤ اور تھکن

رپورٹس ذرائع کا حوالہ دے کر بتایا گیا کہ صبا ایک بڑے پروجیکٹ پر مسلسل کام کر رہی تھیں اور شدید ذہنی دباؤ اور تھکن کا شکار تھیں۔ ڈاکٹروں کا کہنا ہے کہ ان کی حالت زیادہ کام اور نیند کی کمی کے باعث بگڑی۔ صبا قمر کی حالت اب بہتر ہے اور انہیں اسپتال سے ڈسچارج کر دیا گیا ہے۔ ڈاکٹروں نے انہیں کئی ہفتے آرام کرنے اور جسمانی مشقت سے پرہیز کرنے کی ہدایت کی ہے تاکہ مکمل صحت یابی ممکن ہو سکے۔

یہ بھی پڑھیں: پی ٹی آئی کا قومی اسمبلی میں 27 ویں آئینی ترمیم کے عمل کا حصہ نہ بننے کا اعلان

مداحوں کا محبت بھرا پیغام

انسٹاگرام پر اداکارہ نے ڈاکٹرز کی ٹیم کے ہمراہ تصویر شیئر کی جس میں مداحوں سے پیار اور محبت کے اظہار پر شکریہ ادا کیا ہے۔ انہوں نے اپنی انسٹا سٹوری میں اپنی صحت سے متعلق اپ ڈیٹ دیتے ہوئے لکھا "سب کے پیار اور دعا کا بےحد شکریہ، میں بالکل ٹھیک ہوں اب، بس تھوڑا سا بریک لیا تھا، اب واپسی ویسے ہی ہوگی جیسے کبھی گئی ہی نہ تھی اور نہ ہی میں کہیں جارہی ہوں۔"

سوشل میڈیا پر نیک تمنائیں

اداکارہ کے مداحوں اور شوبز حلقوں کی جانب سے ان کی جلد صحتیابی کے لیے سوشل میڈیا پر نیک تمناؤں اور دعاؤں کا سلسلہ جاری ہے۔