وزیرِ اعظم شہباز شریف کا آذربائیجان کے صدر الہام علیوف سے ٹیلیفونک رابطہ، اہم امور پر گفتگو، آرمینیا امن معاہدے پر مبارکباد دی

وزیرِ اعظم کا آذربائیجان کے صدر سے رابطہ

اسلام آباد (ڈیلی پاکستان آن لائن) وزیرِ اعظم شہباز شریف نے آذربائیجان کے صدر الہام علیوف سے ٹیلیفون پر رابطہ کیا ہے اور انہیں امریکی صدر ڈونلڈ ٹرمپ کی ثالثی میں آذربائیجان آرمینیا امن معاہدے پر مبارکباد دی ہے۔

یہ بھی پڑھیں: ٹرمپ کے ہاتھوں ہیلری کی شکست پر 2 سال سو نہیں پایا،موڈ ہمیشہ خراب رہتا، بل کلنٹن نے تہلکہ خیز انکشاف کردیا

اہداف کی تعریف

’’جنگ‘‘ کے مطابق وزیرِ اعظم نے 3 دہائیوں پرانے تنازع کو پرامن انجام تک پہنچانے پر صدر الہام علیوف کے کردار کی تعریف کی، قفقاز کے علاقے کے لیے خوش حالی کے نئے دور کا آغاز کرنے میں صدر الہام کے کردار کو سراہا۔

یہ بھی پڑھیں: خواب میں فوت شدہ افراد کو دیکھنے کے معنی اور تعبیریں

امریکہ کی ثالثی کا ذکر

وزیرِ اعظم نے تاریخی معاہدے کو منطقی بنانے میں امریکی صدر ڈونلڈ ٹرمپ کے کردار کو سراہا اور کہا کہ پاکستانی عوام اس بنیادی مسئلے پر آذربائیجان کے بھائیوں اور بہنوں کے ساتھ ہیں۔ یہ بات خوش آئند ہے کہ صدر علیوف کی جرأت مندانہ قیادت میں اس خطے میں بالآخر امن قائم ہو گیا۔

یہ بھی پڑھیں: گرمی سے تنگ لودھراں کا نوجوان گھر والوں سے کھاد اور سپرے کے پیسے لے کر مری سیر کو نکل گیا

پاکستان کی حمایت کی اہمیت

آذربائیجان کے صدر نے کاراباخ کے معاملے پر آذربائیجان کے ساتھ پاکستان کی دیرینہ اور مسلسل حمایت کو سراہتے ہوئے کہا کہ پرامن ماحول سے پاکستان اور وسطی ایشیاء کے درمیان ترقی اور روابط بڑھانے کے نئے مواقع پیدا ہوں گے۔