دوسرا ون ڈے: ویسٹ انڈیز نے پاکستان کو 5 وکٹوں سے شکست دیدی

ٹرینیڈاڈ میں دوسرا ون ڈے میچ

ٹرینیڈاڈ (ڈیلی پاکستان آن لائن) دوسرے ون ڈے میچ میں ویسٹ انڈیز نے پاکستان کو 5 وکٹوں سے شکست دیدی، ویسٹ انڈیز نے سیریز 1 سے برابر کر دی۔

یہ بھی پڑھیں: وینزویلا کی نائب صدر ڈیلسی روڈریگز نے باضابطہ طور پر ملک کی عبوری صدر کے عہدے کا حلف اٹھالیا

پاکستان کی بیٹنگ کا آغاز

تفصیلات کے مطابق میزبان ٹیم کی جانب سے بیٹنگ کی دعوت پر پاکستان کی جانب سے اننگز کا آغاز صائم ایوب اور عبداللہ شفیق نے کیا۔ تاہم پہلی جوڑی زیادہ دیر تک ساتھ نہ نبھا سکی، اور صائم ایوب 23 رنز بنا کر آؤٹ ہوگئے جبکہ دوسری وکٹ بابر اعظم کی گری جو بغیر کھاتہ کھولے پویلین لوٹ گئے۔

یہ بھی پڑھیں: سیما حیدر کے بعد ایک اور پاکستانی خاتون نے بھارتی شہری سے شادی کرلی

بارش کے اثرات

16 اوورز کا میچ مکمل ہونے پر بارش شروع ہوگئی جس کے باعث میچ کو تقریباً ایک گھنٹے کیلئے روک دیا گیا۔ بارش ختم ہونے پر اوورز میں بغیر کسی ردوبدل کے میچ کو دوبارہ شروع کردیا گیا، پاکستان کی تیسری وکٹ عبداللہ شفیق کی گری، جو 26 رنز بناکر چلتے بنے۔

یہ بھی پڑھیں: ای پی این ایس کا حکومت پنجاب کی جانب سے پیپرا رولز میں ترمیم پر شدید تشویش کا اظہار

پاکستان کی مزید کارکردگی

پاکستان کی جانب سے کپتان محمد رضوان نے 16، حسین طلعت 31 اور سلمان آغا نے 9 رنز کی اننگز کھیلی۔ 33.5 اوورز میں جب پاکستان نے 6 وکٹوں کے نقصان پر 139 رنز بنالیے تو بارش نے دوبارہ انٹری مار دی جس کے باعث میچ کو ایک بار پھر روک دیا۔

یہ بھی پڑھیں: بھارت نے ٹورنامنٹ کے لیے ٹیم کا اعلان کر دیا

ویسٹ انڈیز کا ہدف اور کامیابی

میچ کو بارش کے باعث تین بار روکا گیا تھا۔ پاکستان نے دوسرے ون ڈے جیتنے کیلئے ویسٹ انڈیز کو 35 اوورز میں 181 رنز کا ہدف دیا تھا، پاکستان نے پہلے کھیلتے ہوئے 7 وکٹوں کے نقصان پر 171 رنز بنائے، بارش کے باعث میچ 35 اوورز تک محدود کر دیا گیا۔

یہ بھی پڑھیں: کراچی: شادی کے روز پراسرار طور پر لاپتہ ہونے والا دلہا 5 دن بعد گھر واپس پہنچ گیا۔

ڈی ایل ایس میتھڈ کا استعمال

ڈی ایل ایس میتھڈ کے تحت ویسٹ انڈیز نے 181 رنز کا ہدف 35 اوورز میں حاصل کرنا تھا۔ ویسٹ انڈیز نے مقررہ ہدف 5 وکٹوں کے نقصان پر پورا کر لیا۔ ہدف کے تعاقب میں ویسٹ انڈیز کے شرفین ردر فوریڈ 45، شائے ہوپ 32 رنز بنا کر پویلین لوٹ گئے۔ کیسی کارٹی 16، ایون لوئس 7 اور برینڈن کنگ ایک رن بنا کر چلتے بنے جبکہ ویسٹ انڈیز کی جانب سے روسٹن چیز نے میچ وننگ اننگز کھیلی، روسٹن چیز 49 رنز بنا کر ٹاپ سکورر رہے۔