کراچی میں قومی شاہراہ پر تیز رفتار ٹینکر کھڑی گاڑیوں پر چڑھ دوڑا، 3 مکمل تباہ

کراچی (ڈیلی پاکستان آن لائن) اسٹیل مل موڑ کے قریب قومی شاہراہ پر ایک تیز رفتار واٹر ٹینکر، ڈرائیور کی کنٹرول سے باہر ہو جانے کے نتیجے میں سڑک کے کنارے کھڑی گاڑیوں پر چڑھ گیا۔ اس حادثے میں واٹر ٹینکر کا ڈرائیور شدید زخمی ہوا، جبکہ 3 گاڑیاں مکمل طور پر تباہ ہوگئیں۔

ایس ایچ او اسٹیل ٹاؤن، اسلم بلو کے مطابق، اس حادثے کے نتیجے میں کئی دکانوں کو بھی نقصان اٹھانا پڑا۔ ابتدائی اطلاعات کے مطابق یہ حادثہ واٹر ٹینکر کے بریک فیل ہونے یا کسی اور ٹیکنیکل خرابی کی وجہ سے پیش آیا ہے۔ پولیس اس معاملے کی مزید تفتیش کر رہی ہے۔