دیر بالا: سکیورٹی فورسز کا آپریشن، 5 الخوارج ہلاک، ایک شہری شہید

دیربالا (ڈیلی پاکستان آن لائن) خیبر پختونخوا کے علاقے دیر بالا میں سکیورٹی فورسز نے فتنہ الخوارج کے خلاف آپریشن کیا، جس کے نتیجے میں 5 خوارج کی ہلاکت کی اطلاعات موصول ہوئی ہیں۔

یہ بھی پڑھیں: پاک فوج کے حملے میں راجوڑی میں دہشتگردوں کا سہولت کار ایڈیشنل ڈپٹی کمشنر مارا گیا، سیکیورٹی ذرائع

آپریشن کی تفصیلات

نجی ٹی وی چینل دنیا نیوز کے مطابق ترجمان سی پی او خیبر پختونخوا نے کہا کہ یہ ٹارگٹڈ آپریشن فتنہ الخوارج کی موجودگی کی اطلاع پر کیا گیا، جو کہ کچھ روز قبل پولیس پارٹی پر حملے میں ملوث تھے۔

یہ بھی پڑھیں: علی امین گنڈاپور چند ماہ کے مہمان ہیں، ترجمان جے یو آئی سورس

نقصانات اور جاری کارروائیاں

آپریشن کے دوران ایک شہری شہید ہوا، جبکہ 8 پولیس اہلکار معمولی طور پر زخمی ہوئے۔ اس دوران 5 دہشت گرد ہلاک ہوئے، جن میں سے ایک کی نعش برآمد کر لی گئی ہے۔ باقی شرپسندوں کی تلاش اور علاقے کو کلیئر کرنے کے لئے سرچ آپریشن جاری ہے۔

یہ بھی پڑھیں: سپیکر ریفرنس کیس کا کیا بنا؟ممبر الیکشن کمیشن کا وکیل عمر ایوب سے استفسار

پولیس کی کارکردگی پر خراج تحسین

اس موقع پر آئی جی خیبر پختونخوا کا کہنا تھا کہ ٹارگٹڈ آپریشن کے دوران پولیس کے افسران اور جوانوں کی خدمات کو سراہتے ہیں۔ اپر دیر کے علاقوں دوبندو، بریکوٹ، سلام کوٹ اور اٹنڈرہ میں دہشت گردوں کے خلاف آپریشن جاری ہے۔

شہید کی نماز جنازہ

علاوہ ازیں، شرپسندوں کی فائرنگ سے شہید ہونے والے شہری کی نماز جنازہ پولیس لائنز میں ادا کردی گئی۔