بھائی سے بہنوں کی ملاقات نہ ہونے پر پی ٹی آئی نے سی پی او میں درخواست جمع کرادی

عمران خان کی بہنوں کی ملاقات نہ ہونے کا معاملہ

راولپنڈی (ڈیلی پاکستان آن لائن) بانی پی ٹی آئی عمران خان سے بہنوں کی ملاقات نہ ہونے پر پارٹی کی جانب سے سی پی او کو درخواست جمع کروا دی گئی، جس میں کہا گیا ہے بانی پی ٹی آئی کو ڈاکٹروں اور بہنوں سے ملنے نہیں دیا جارہا، جیل حکام اور پولیس افسران کے خلاف کارروائی کی جائے۔

یہ بھی پڑھیں: بجٹ تجاویز، 200 سے 300 یونٹ بجلی استعمال کرنے والوں کے لئے بڑی خبر آگئی، خصوصی رعایت کی تجویز

درخواست کی تفصیلات

ایکسپریس نیوز کے مطابق پی ٹی آئی کے وکیل تابش فاروق نے سی پی او کو بذریعہ ڈاک درخواست ارسال کی، جس میں سپرنٹنڈنٹ جیل غفور انجم، اے ایس پی زینب سمیت دیگر پولیس افسران کا نام بھی شامل ہے۔ درخواست میں کہا گیا ہے کہ بانی پی ٹی آئی کو جیل میں قواعد کے مطابق سہولیات میسر نہیں، ڈاکٹروں سے بھی ملنے نہیں دیا جا رہا، پولیس اور جیل حکام ہائیکورٹ کے احکامات کی خلاف ورزی کرکے توہین عدالت کے مرتکب ہو رہے ہیں۔

یہ بھی پڑھیں: برطانیہ کا شام کے لئے 50 ملین پاونڈ امدادی پیکیج کا اعلان

وزیر اعلیٰ کے بیانات اور پولیس کی کارروائیاں

وزیر اعلیٰ مریم نواز اپنی تقاریر میں بھی بانی پی ٹی آئی کو فتنہ قرار دے چکی ہیں، اے ایس پی اور پولیس افسران و اہلکار بہنوں کو جیل سے دور ناکوں پر روک لیتے ہیں۔

پولیس افسران کی ہراسگی

درخواست میں مزید کہا گیا ہے کہ پولیس افسران علیمہ خان، نورین خانم اور ڈاکٹر عظمی کو ہراساں و پریشان کرتے ہیں، پولیس افسران بانی کی بہنوں کو اغوا کرکے سنسان جگہوں پر چھوڑ دیتے ہیں، تمام افراد کے خلاف مقدمہ درج کر کے قانونی کارروائی کی جائے۔