بعض پالیسیوں پر اختلافات کے باوجود پیپلز پارٹی وفاقی حکومت کے ساتھ ہے، بلاول بھٹو زرداری

بلاول بھٹو کا خطاب

لاڑکانہ (ڈیلی پاکستان آن لائن) چیئرمین پاکستان پیپلز پارٹی بلاول بھٹو زرداری کا کہنا ہے کہ ماضی میں سندھ کے ساتھ سوتیلی ماں کا سلوک کیا گیا، بعض پالیسیوں پر اختلافات کے باوجود پیپلز پارٹی وفاقی حکومت کے ساتھ ہے۔

یہ بھی پڑھیں: روہنگیا مسلمان مودی سرکار کے نشانے پر آ گئے، پہلگام حملے کی آڑ میں متعدد گرفتار، کن مظالم کا نشانہ بننا پڑ رہا ہے۔ جانیے۔

صاف ستھرا لاڑکانہ و روزگار اسکیم پروگرام

نوڈیرو میں صاف ستھرا لاڑکانہ و روزگار اسکیم پروگرام سے خطاب کرتے ہوئے بلاول بھٹو نے کہا کہ 20 لاکھ گھروں پر مشتمل پیپلز ہاؤسنگ اسکیم دنیا کا سب سے بڑا منصوبہ ہے۔ نوڈیرو اور رتوڈیرو میں خواتین کو گھروں کے مالکانہ حقوق دیے گئے ہیں۔ ان گھروں کے بنانے کے لیے ایک لاکھ تک روزگار کے مواقع بھی پیدا ہوئے ہیں۔ بلاول چاہتا ہے کہ یہ منصوبہ ایک دو سال تک مکمل ہو جائے۔

بلدیاتی نمائندوں کی کارکردگی

بلاول بھٹو نے کہا کہ بلدیاتی نمائندوں کے درمیان کارکردگی کی بنیاد پر حوصلہ افزا مقابلے ہونے چاہئیں۔ وزیراعلیٰ کو چاہیے کہ اچھی کارکردگی کے حامل بلدیاتی نمائندوں کو مزید فائدہ مند سہولیات فراہم کریں۔