موسمیاتی تبدیلیاں بڑا چیلنج، وقت ضائع کئے بغیر نئے ڈیمز بنانا ہوں گے: وزیراعظم

وزیراعظم شہباز شریف کا خطاب

نارووال (ڈیلی پاکستان آن لائن) وزیراعظم شہباز شریف نے کہا ہے کہ موسمیاتی تبدیلیاں بڑا چیلنج ہیں، ہمیں وقت ضائع کئے بغیر نئے ڈیمز بنانا ہوں گے۔

یہ بھی پڑھیں: دیہی خواتین کو مفت مویشی دینے کا فیصلہ، معاشی ترقی، دیہات میں رہنے والی بیٹی کا بھی حق ہے: وزیر اعلیٰ مریم نواز

سیلاب کی صورتحال

نجی ٹی وی چینل دنیا نیوز کے مطابق نارووال میں اجلاس سے خطاب کرتے ہوئے وزیراعظم شہباز شریف کا کہنا تھا کہ گلگت بلتستان اور خیبرپختونخوا کے بعد اب پنجاب کو طغیانی کا سامنا ہے، سیلابی پانی پنجاب کے دریاؤں سے گزر رہا ہے۔ این ڈی ایم اے، ریسکیو 1122 اور دیگر ادارے امدادی کارروائیوں میں کردار ادا کر رہے ہیں، جس پر ان کا مشکور ہوں؛ سیلاب سے جانی نقصان پر افسوس ہے۔

یہ بھی پڑھیں: چینی قونصل جنرل کا جیوفیک ہسپتال لاہور کا دورہ، سیلاب متاثرین سے اظہار یکجہتی

حکومتی کردار اور اقدامات

انہوں نے کہا کہ وفاقی وزراء، نارووال کی سیاسی قیادت، سول انتظامیہ اور افواج پاکستان کا کردار لائق تحسین ہے۔ مؤثر پیشگی اطلاعات کے نظام کی وجہ سے نقصان کم سے کم ہوا۔ پاکستان ان ممالک میں شامل ہے جو ماحولیاتی تبدیلی سے زیادہ متاثر ہو رہے ہیں۔

یہ بھی پڑھیں: خاتون محتسب پنجاب گوجرانوالہ پہنچ گئیں، اہم مقامات کا دورہ، 3 افسران کو شوکاز نوٹس جاری

آنے والے چیلنجز

ان کا کہنا تھا کہ آئندہ آنے والے سالوں میں ماحولیاتی تبدیلی کے چیلنج سے نمٹنا ہے۔ ریسکیو اور قدرتی آفات سے نمٹنے والے اداروں کو مزید متحرک ہونا ہوگا۔

یہ بھی پڑھیں: 24 نومبر کو حکومت وہی کرےگی جو دہشت گردوں کیخلاف کیا جاتا ہے: عظمیٰ بخاری

ڈیمز کی تعمیر کی ضرورت

شہباز شریف نے کہا کہ ہمیں وقت ضائع کئے بغیر تیاری کرنی چاہیے۔ ہمارے پاس کئی نئے چھوٹے ڈیمز تعمیر کرنے کی صلاحیت موجود ہے۔ ملک میں پانی ذخیرہ کرنے کی گنجائش میں اضافہ کرنا ہوگا۔ پانی ذخیرہ کرنے کیلئے اپنے وسائل بروئے کار لانا ہوں گے، وفاق اور صوبے سرجوڑ کر بیٹھیں گے تو حل ڈھونڈ لیں گے۔

پچھلی آفات کے اثرات

وزیراعظم کا مزید کہنا تھا کہ 2022 میں اس طرح کی آفت آئی تھی اور تباہی ہوئی تھی۔ 2022 کی تباہی کا مرکزی نشانہ سندھ اور بلوچستان تھا جب لاکھوں ایکڑ پر کاشت تیار فصلیں تباہ ہوگئی تھیں۔